Soi Eat Thai Cuisine

Open Now

Now Closed

成日經過呢條街，但一直無留意有間泰國菜，是日朋友帶我黎食先知，哦哦，原來入面裝修得幾骨子。坐低睇下餐牌先，食物選擇相當多，餐牌上面嘅相樣樣都好吸引，一時之間真係唔知揀咩好🤤⭐泰式鳳爪沙律先來個開胃菜鳳爪沙律，鳳爪已去骨，咬落酸爽有嚼勁😋仲有芹菜、芫荽、生洋蔥、紅蘿蔔等，香味十足兼帶辣勁，酸酸辣辣食得過引。⭐串燒拼盤泰式串燒又係唔少得嘅名物，併盤牛豬雞每款兩串，呢度嘅串燒比食開的餐廳大串，拎上手好重呀，香噴噴好吸引🤤燒得肉嫩唔乾身，咬落有香茅同黑椒味，加埋個花生醬勁正喎🤤個人至愛豬串，燒起上黎豬油好甘香啊🤤⭐咖哩南瓜軟殼蟹跟住有黃咖哩，用南瓜裝起唔單止為打卡㗎，呢個容器好保溫，食到最後啲咖哩仲係暖！講返個咖哩先，雖然黃咖哩唔辣，但食落香口帶甜，仲好有香料味，一樣咁惹味😋而旁邊的軟殼蟹炸得脆口酥香，入口鮮味唔腥，勁正呀🤤⭐蒜蓉包有咖哩當然要叫返啲嘢點黎食啦，諗緊要蒜蓉包定薄餅好，朋友鍾意香口野就揀蒜蓉包啦，好脆好香蒜蓉味呀，再點埋咖哩汁真係無敵好味，食到停唔到口🤤食物勁正份量大，兩個人食飽飽好滿足❤️