Mini Friday (銅鑼灣廣場二期) (Closed)

樓底高，座位闊落，微黃嘅燈光，好有格調！👉🏻餐前小食薄脆，配千島醬，好開胃！👉🏻皇牌威靈頓牛柳 $358期待左好耐，一直都好想試，終於見到廬山真面目！比想像中大份好多，金黃酥皮好鬆脆，牛油味香，包住黑松露蘑菇，牛柳肉質易咬嫩口！之後叫左一份dinner set，有餐湯、田園沙律、主菜、餐飲，最正係加$1，係一蚊，就有是日甜品！👉🏻炭燒美國豬鞍扒配燒汁 $298好大件，超厚，肉質爽口唔鞋！友人特別欣賞個配菜，蘆筍脆嫩！👉🏻是日甜品朱古力蛋糕，朱古力味濃，仲有士多啤梨同菠蘿同藍莓！