西香記 (Closed)

今日下午我們又喺西環山道做完嘢之後覺得有啲肚餓，所以去咗附近睇吓有咩好食，行到去見到有間叫「西香記」嘅覺得個名都幾特別，同埋有牛肉麵食，所以我們就入咗去食下午茶！我們叫咗個骨湯牛肉麵同金牌肉夾饃套餐：金牌肉夾饃配秘製麻醬麵皮！骨湯牛肉麵嘅麵好幼身，質感都幾煙煙韌韌，牛肉嘅肉質好鬆軟，肉味都幾香濃，而且份量都幾多，湯底嘅味道就比較清淡！金牌肉夾饃嘅餡料都幾豐富，但賣相就唔係好吸引，因感覺好似好凌亂咁，而味道就都幾惹味，夾饃餅皮比較乾身，唔算好軟熟！秘製麻醬麵皮嘅麵皮比較諗身，唔算好煙韌彈牙，而麻醬嘅味道都幾濃郁！