Video
Read full review
2019-12-23
1327 views
依日同呀媽去完工展會，順便喺附近搵地方食埋晚飯，見天氣都凍凍地，就想食碗湯麵。行下行下見到，咦有間💛拉麵店喎，前面有5-6個人排緊隊，唔算好多人，就排埋一份啦。店舖細細，應該只係坐到十幾人，一男一女店員主理哂店内一切大小事務👍，煮麵、洗碗、人流管制一腳踢，好勁。落單方面，店員就可以放鬆一下，因為門口有部機俾客人自助點餐同俾錢。大家都會喺排隊時買定飛，一入去坐低交張飛俾店員就搞掂。我同呀媽一人叫咗一個套餐，叫唔同湯底嘅拉麵🍜同小食試下。呢到主要其實都係得兩款湯底同兩款小食揀😂，套餐價比起散叫平5蚊。別天神套餐($105)，即係豚骨湯麵配小食。湯底味道唔錯，唔會太濃太鹹太油，用豚骨同水煮成，無用到奶。食客可以按照自己口味，加濃加辣，我大愛辣芽菜😍同芝麻碎。芽菜就咁食都幾辣，但放落湯就會中和返。麵質正常，無話太淋或太硬，而且份量偏多，真心食完一碗麵都夠哂飽，飲埋湯，無可能再食到宵夜或甜品🙈。呀媽就要咗蝦味噌套餐($115)，即係蝦味噌豚骨湯麵配小食。呢款湯底比起原味濃，有大量嘅🌸櫻花蝦🍤，幾香，但我自己就鍾意原味多啲。兩個湯底嘅配料大致相同，有紫菜、蔥、叉燒2片同日本半熟蛋🥚1只，唯一唔同嘅
依日同呀媽去完工展會，順便喺附近搵地方食埋晚飯，見天氣都凍凍地，就想食碗湯麵。行下行下見到，咦有間💛拉麵店喎，前面有5-6個人排緊隊，唔算好多人，就排埋一份啦。
店舖細細，應該只係坐到十幾人，一男一女店員主理哂店内一切大小事務👍，煮麵、洗碗、人流管制一腳踢，好勁。
落單方面，店員就可以放鬆一下，因為門口有部機俾客人自助點餐同俾錢。大家都會喺排隊時買定飛，一入去坐低交張飛俾店員就搞掂。
我同呀媽一人叫咗一個套餐，叫唔同湯底嘅拉麵🍜同小食試下。呢到主要其實都係得兩款湯底同兩款小食揀😂，套餐價比起散叫平5蚊。
別天神套餐($105)，即係豚骨湯麵配小食。湯底味道唔錯，唔會太濃太鹹太油，用豚骨同水煮成，無用到奶。食客可以按照自己口味，加濃加辣，我大愛辣芽菜😍同芝麻碎。芽菜就咁食都幾辣，但放落湯就會中和返。麵質正常，無話太淋或太硬，而且份量偏多，真心食完一碗麵都夠哂飽，飲埋湯，無可能再食到宵夜或甜品🙈。
呀媽就要咗蝦味噌套餐($115)，即係蝦味噌豚骨湯麵配小食。呢款湯底比起原味濃，有大量嘅🌸櫻花蝦🍤，幾香，但我自己就鍾意原味多啲。兩個湯底嘅配料大致相同，有紫菜、蔥、叉燒2片同日本半熟蛋🥚1只，唯一唔同嘅就係蝦湯配粟米、豚骨湯配木耳。叉燒有灸燒過下，夠厚身，幾好味；而蛋係做到糖心效果的。
小食方面，我哋各要咗一份。🦞小龍蝦蟹子沙律，好似一球雪糕嘅造型，搭配7-8塊紫菜，將沙律放上紫菜，包埋一齊食好正😋。我哋都超鍾意呢個沙律，非常惹味，小龍蝦肉好爽，夾埋蟹籽，一級棒！
另外，就係🥟餃子4只，熱辣辣煎起，味道正正常常無乜特別啦，當加樣餸。
環境雖小，但五臟俱全，首先呢到有凍麥茶或水提供；第二呢到仲有紙巾🧻，超方便客人，而紙巾盒嘅位置就正正係倒轉貼喺我哋頭殼頂上面，善用每一吋地方🤣。第三就係我哋面前會有一個調味架，上面有蒜蓉、辣芽菜、芝麻、七味粉、胡椒、拉麵汁同紅薑，自己可以mix&match，餐廳仲貼咗張教學出嚟。最後，就係呢到連連儂場都有一塊添💛，真係應有盡有。
總括嚟講，呢間拉麵店整體都幾好，價格同其他店亦差唔多，值得排隊試試，支持下😆。不過我哋8點左右食完出嚟，條人龍變得更長！
Post
