R&B (Closed)

話說朋友推介話呢間餐廳好食，嗰位朋友都有在場一齊去。連朋友都話好後悔推介咗呢間餐廳⋯⋯首先入門口前職員提醒咗一句，每人最低消費$100 。一行四人朋友到咗叫咗嘢食唔夠3分鐘，職員行返過嚟話：你哋係未夠數㗎記住要再嗌⋯⋯好啦，我就體諒佢，當疫情下飲食業難做嘅提醒。•叫咗濃蝦蟹肉意粉、蒜香黑松露薯條、海苔蜜糖雞翼、墨西哥芝士粟米家，一個布朗尼甜品。蟹肉意粉係幾好食嘅，黑松露薯條都好香。另外嗰幾個人嘢都還可以，淨係覺得粟米有少少唔係咁抵食。•用餐嘅過程中，因為我唔飲得餐廳嘅生水，所以拎咗自己既保溫壺出嚟飲水。職員過嚟問：唔好意思，想問吓你個壺入面嘅係咪水定係飲品？我話：哦係水嚟㗎。職員行開咗唔夠5分鐘又返過嚟講老闆唔肯定個水壺入面係咪水，就要求我倒出嚟⋯⋯嗰吓掛住傾偈，又真係倒落個杯度。其後我哋一行四人真係覺得好唔尊重客人。我哋都明白職員嘅難處，同埋職員都好好地為我哋安排座位。但係實在唔理解餐廳嘅老闆究竟係乜嘢意思？雖然係不准帶外來飲食，咁但係保溫壺入面可以係啲乜嘢呢？台式飲品？既然係咁嘅不如老闆親自過嚟，望一望保溫壺入面嘅係咪水？做得飲食業，其實會唔會識得尊重客人，同埋對我哋有基本嘅信任。