Video
Read full review
2014-08-05
1401 views
三年前來食第一次，一試難忘，當日都系有朋友帶先知有間咁抵食嘅嘢，又系食午餐，用埋信用卡折加埋一，$210左右一位，飽到捧住肚走，冷盤、甜品任食，再自選Pasta或主菜，仲有咖啡茶。難得呢度環境靜靜局，景觀居高臨下好開揚，歐式裝修仲有人彈琴伴奏，一餐飯絕對系享受。三年後有緣再試，原來加左價 ，$298(未加一，好在信用卡有八折)一位，頭盤都系自助，沙律，巴馬火腿，煙三文魚，鴨胸，燒茄燒蕉燒扇貝…唔記得咁多，總之食完已經好飽，巴馬火腿最抵讚，切到大大片又夠薄身，食多幾片抵番晒。 主菜朋友揀長通粉，佢戒口好多嘢唔食得，牛、魚、芝士、蕃茄都唔食，侍應好體貼，主動幫佢改咗欖油、蒜片炒，味道麻麻，但唔怪得人，咩料都唔落得，理應如此嘛…我揀嘅牛尾好夠味好"林"，水準之作。可惜系之前來，甜品系自助形式，依家已經唔系，四選一，提拉米素有芝士唔食得，芝士拼盤有芝士又唔食得，雪芭系士多啤梨同芒果又戒口，我陪朋友揀咗橙忌廉泡芙，上碟好靚，味道亦可口，體貼侍應又出動，幫我朋友嗰碟飛走淋面朱古力醬，全部系佢聽咗我地話唔食得嗰啲嘢，主動提出幫我地入廚房講，服務好熱心。 雖然食得好開心滿意，但始終三年前感覺好好
三年後有緣再試，原來加左價 ，$298(未加一，好在信用卡有八折)一位，頭盤都系自助，沙律，巴馬火腿，煙三文魚，鴨胸，燒茄燒蕉燒扇貝…唔記得咁多，總之食完已經好飽，巴馬火腿最抵讚，切到大大片又夠薄身，食多幾片抵番晒。
主菜朋友揀長通粉，佢戒口好多嘢唔食得，牛、魚、芝士、蕃茄都唔食，侍應好體貼，主動幫佢改咗欖油、蒜片炒，味道麻麻，但唔怪得人，咩料都唔落得，理應如此嘛…我揀嘅牛尾好夠味好"林"，水準之作。
可惜系之前來，甜品系自助形式，依家已經唔系，四選一，提拉米素有芝士唔食得，芝士拼盤有芝士又唔食得，雪芭系士多啤梨同芒果又戒口，我陪朋友揀咗橙忌廉泡芙，上碟好靚，味道亦可口，體貼侍應又出動，幫我朋友嗰碟飛走淋面朱古力醬，全部系佢聽咗我地話唔食得嗰啲嘢，主動提出幫我地入廚房講，服務好熱心。
雖然食得好開心滿意，但始終三年前感覺好好多，一來啲枱櫈地氈真系太舊喇，有大陸酒店feel，二來冇咗現場鋼琴伴奏冇咁有class，三來我人貪心，梗係想甜品任揀自助拎啦。
聽聞話會呢度再裝修，真系事不宜遲，始終銅鑼灣區新食肆開咗咁多，希慎、金朝陽啲餐廳靚佢咁多，唔執靚點趕上? 冇謂嘥咗咁好嘅食品同景觀吖。
Post
