Video
Read full review
2023-07-04
209 views
呢間刨冰🍧真係擺咗喺Wishlist好耐😍唔知幾時開始呢啲大到成個欖球嘅刨冰就開始風靡起上嚟諗返應該係泰國嗰排好Hit嘅After You糯米飯刨冰開始🤔呢日就同幾個朋友叫咗兩個嚟食一個係抹茶(My always favourite💕)一個係Tiramisu個刨冰個份量真係超大雖然話食甜品係用另外一個胃但係如果食完飯之後先至嚟食嘅話我諗3至4人share一個都唔過分首先講一講個抹茶口味刨冰由頭到尾綿綿冰都係浸淫住抹茶味每一啖都有抹茶嘅濃郁淳厚😍唔會冰茶分離無啦啦食到一啖淨係得蒸餾水味絕對無！同埋亦都因為可能佢喺個碗底嗰度已經加咗焦糖醬所以好確保到成個刨冰都咁重口味真材實料完全沒有待薄我哋嘅味蕾😋刨冰中間仲有消化餅碎增加咗刨冰嘅口感同埋飽肚充實感不至於平時食刨冰食咗陣風咁樣食完又空虛又寂寞又凍又肚餓又要搵其他嘢食呢個抹茶忌廉焦糖刨冰絕對對得住呢個價錢(有突)🫶🏼至於個提拉米蘇刨冰我就有少少失望可能因為太大期望🥲諗住Tiramisu 作為一個甜品都有咁多隻味道又有忌廉又有咖啡又有甜酒又有手指餅如果再加埋刨冰落去應該會錦上添花而且會有豐富嘅層次感不過可能因為低溫嘅食物需要更多嘅味道去觸發刺激
唔知幾時開始呢啲大到成個欖球嘅刨冰就開始風靡起上嚟
諗返應該係泰國嗰排好Hit嘅After You糯米飯刨冰開始🤔
呢日就同幾個朋友叫咗兩個嚟食
一個係抹茶(My always favourite💕)一個係Tiramisu
個刨冰個份量真係超大
雖然話食甜品係用另外一個胃
但係如果食完飯之後先至嚟食嘅話
我諗3至4人share一個都唔過分
首先講一講個抹茶口味刨冰
由頭到尾綿綿冰都係浸淫住抹茶味
每一啖都有抹茶嘅濃郁淳厚😍
唔會冰茶分離無啦啦食到一啖淨係得蒸餾水味
絕對無！
同埋亦都因為可能佢喺個碗底嗰度已經加咗焦糖醬
所以好確保到成個刨冰都咁重口味
真材實料完全沒有待薄我哋嘅味蕾😋
刨冰中間仲有消化餅碎增加咗刨冰嘅口感同埋飽肚充實感
不至於平時食刨冰食咗陣風咁樣
食完又空虛又寂寞又凍又肚餓又要搵其他嘢食
呢個抹茶忌廉焦糖刨冰絕對對得住呢個價錢(有突)🫶🏼
至於個提拉米蘇刨冰我就有少少失望
可能因為太大期望🥲
諗住Tiramisu 作為一個甜品都有咁多隻味道
又有忌廉又有咖啡又有甜酒又有手指餅
如果再加埋刨冰落去應該會錦上添花
而且會有豐富嘅層次感
不過可能因為低溫嘅食物需要更多嘅味道去觸發刺激味覺同嗅覺
我哋平時食Tiramisu感受到嘅蛋香咖啡香同酒香
因為成為咗刨冰嘅關係所以都被冰封咗
(呢個理論係我餵我隻喵飲湯嘅時候發現整熱咗嘅湯佢係會飲得開心啲😺)
總括嚟講我就覺得比較普通由始至終都係同一個味道
不過整體佢嘅刨冰係出色嘅，希望下次可以試埋其他味啦💛🧡💜💚💙
$100
29 views
0 likes
0 comments
Post
