Video
Read full review
2023-04-28
1375 views
餐廳：Quattro's Kitchen (太古)地址；太古康山道1-2號康怡廣場南座AEON 3樓L301號舖喺太古康怡廣場南座AEON開咗超過5年，上年8月尾9月搬到上3樓嘅Quattro's Kitchen，早前由扒房轉型做多國菜西餐🍽，最近晚市仲做埋Semi Buffet😍，叫Set Dinner加$38就可以任食幾十款沙律🥗、小食、炸物、甜品🧁，難怪店員話呢排餐廳晚晚都坐爆人😎餐廳喺正AEON入面，最啱就喺shopping完之後坐低食個飯休息吓，店內有多張卡位，以黑白色為主調⚫️⚪️，私隱度都算幾高，位置闊落坐得幾舒服叫咗兩個是日晚餐，價錢由$98至$398不等，仲有專為小朋友而設嘅選擇。套餐送餐包同餐湯——磨菇忌廉湯🍄，另外其中一個餐湯加$28轉咗做干邑龍蝦湯，湯底濃郁鮮香，湯入面仲有一隻爽口彈牙嘅大蝦🦐✝️M7和牛Rumcap白甘筍薯蓉配風乾煙肉露筍卷 $398兩條色澤紅潤吸引嘅牛扒，喺用咗M7和牛臀腰肉蓋，其中一邊痴住一層白滑嘅脂肪筋膜層，為牛肉帶嚟無比嘅天然牛肉羶香🤤，加上油脂分佈平均嘅牛肉，肉汁表現豐富驚人💦，雖然價錢定位高少少，但真心值得一試。配埋紫薯脆片、風乾煙肉露筍
地址；太古康山道1-2號康怡廣場南座AEON 3樓L301號舖
喺太古康怡廣場南座AEON開咗超過5年，上年8月尾9月搬到上3樓嘅Quattro's Kitchen，早前由扒房轉型做多國菜西餐🍽，最近晚市仲做埋Semi Buffet😍，叫Set Dinner加$38就可以任食幾十款沙律🥗、小食、炸物、甜品🧁，難怪店員話呢排餐廳晚晚都坐爆人😎
餐廳喺正AEON入面，最啱就喺shopping完之後坐低食個飯休息吓，店內有多張卡位，以黑白色為主調⚫️⚪️，私隱度都算幾高，位置闊落坐得幾舒服
叫咗兩個是日晚餐，價錢由$98至$398不等，仲有專為
小朋友而設嘅選擇。
套餐送餐包同餐湯——磨菇忌廉湯🍄，
另外其中一個餐湯加$28轉咗做干邑龍蝦湯，湯底濃郁鮮香，湯入面仲有一隻爽口彈牙嘅大蝦🦐
✝️M7和牛Rumcap白甘筍薯蓉配風乾煙肉露筍卷 $398兩條色澤紅潤吸引嘅牛扒，喺用咗M7和牛臀腰肉蓋，
其中一邊痴住一層白滑嘅脂肪筋膜層，為牛肉帶嚟無比嘅天然牛肉羶香🤤，
加上油脂分佈平均嘅牛肉，肉汁表現豐富驚人💦，雖然價錢定位高少少，但真心值得一試。
配埋紫薯脆片、風乾煙肉露筍卷、Creamy嘅白甘筍薯蓉同烤煮過嘅蔬菜，整體賣相擺盤精緻✨
✝️香煎三文魚扒配明太子忌廉汁 $248
充滿Omega-3嘅厚肉三文魚扒，香煎至外層金黃色，切開裡面啱啱好熟，食落三文魚鮮味突出唔腥👍，
肉質唔算好嫩滑但一啲都唔嚡，配埋自家製明太子忌廉汁一齊食，個人覺得喺絕配🤩，無咁Dry之餘仲提升咗三文魚嘅甘香鮮味
跟餐加$20可以升級做特飲🍹，叫咗杯凍白桃梳打同凍蝶荳花梳打，前者比較甜香🍑，入面有唔少啫喱；後者清新解渴，有椰果喺當中幾有咬口，不過就算用粗飲管都要大力啲先吸食到🤪
Post
