樂糖 (Closed)

一入到呢間甜品店已經覺得好靚，成個店面都係我最鐘意既白色雲石！同朋友叫左三樣野，因為見到好多人推介士多啤梨朱古力班戟（$55），咁當然都要試下啦！班戟即點即煎，上到黎仲好暖。就咁食左一舊，pancake鬆軟而有朱古力香味。 我最鐘意都係d酸酸甜甜既士多啤梨乾，趁埋一齊食味道好恰當，唔會太甜。但對於我地食tea黎講，份量真係幾大份！開頭望落menu仲好想點綠茶心太軟，但最後都想試個特別少少既－黑芝麻豆腐心太軟（$52）。我想像中係好似芝麻湯圓果種流心再加豆腐，但原來入面係豆腐花黎，幾特別。 外層芝麻味夠濃又不會太乾身，但整體黎講我就覺得可以甜少少，畢竟食心太軟都好期待佢有個又甜又濃既流心部份。至於豆腐雪糕就真係有驚喜，撈左芝麻同餅碎一齊食真係好香好好味！最後仲有個甜甜蜜蜜芭菲（$52），雖然我就唔係好鐘意食脆米，但呢個甜品特別在夠fresh╴雪梨非常清甜，乳酪酸甜度都好適中。