鮨一日本料理 (大壩街)

Open Now

Now Closed

今晚約左友人睇9點半，咁離睇戲重有大把時間，我哋就去飲野食飯。戲院在荃灣廣場，所以我哋就到附近搵野食，見佢有位就入左去坐巴枱。一坐底對住啲魚生，見到我都唔開胃，啲八爪魚乾到⋯⋯啲魚望落去黑黑灰灰咁。我哋叫支啤酒就咁叫啲小食。點左瑩光尤魚，酒盗芝士。呢兩碟都唔洗佢煮，佢叫要買返嚟放在碟就得了。另外兩碟就要廚房整，分別係清酒煮蜆同燒魚干。碗蜆好大碗，不過大部分係蘿蔔，如果煮得淋又入味都算，又唔入味又唔夠淋，重要加七味粉落去啲蜆度。個魚干就正常不過未見過咁嘅presentation, 唔知有冇一塊，只知非常細碟，比平時出去食開少。我哋食左呢一round就埋單走，過第二間再食過。