見城日本料理 (Closed)

呢期放暑假無野做，加上出左糧，心思思找揾野食。今日就叫埋個frd，揀左尖沙咀棉登徑見城試下。去到剛好十二點，招牌剛亮，我地係開店第二個顧客。一入到去，三位師傅同三位女侍應即刻同我地打招呼，好有禮貌。坐低點左兩客自選壽司定食，女侍應見我地唔識睇日文餐牌就逐一解釋，招呼周到。前菜有到蒸蛋，滑而不，用係暖肚一流。自選壽司八件加一款卷物，都幾抵。最正既係中拖羅、海膽同赤身吞拿魚，拖羅雖然有根，但都幾算大塊，食落有口感富層次，有外面個層慢慢焀到入面先吞，好滋味。海膽唔算大舊，但食落唔腥有d漿口，紫菜唔會散開，唔錯。吞拿魚我最後先食，食落就知係日本貨，係同香港其他壽司店有明顯分別，魚味濃好多。令人意外既唔止吞拿魚，仲有壽司飯，雖然飯既分量比較不多，但異常地有咬口，種感覺就好似食緊迷你像皮糖咁，真係好好味。個師傅話隻米係特別溝出黎ge，不設散賣，不過佢話如果想揾好食ge日本米,可以上網search下香港精米所wo。飯後有麵鼓湯同甜品,我就簡左綠茶雪糕，味道不過不失。除返開人每人190﹐就食到咁多野，真係抵到爛。