西香記 (Closed)

近日地鐵提早關閉，與外勤同事上環收工，打算食個快飯後八時前回家；途經上環文娛中心，見有間食陝西餐店，兩條為食友四目交投一下就被biangbiang麵與肉夾饃嘅一方風味所吸引之下就走咗入去。 大盤雞biangbiang麵，超闊麵身加孜然香料嘅特色味道唔係度度有得食，雞肉與薯仔均被染得充滿依個風味。蘭州牛肉粗麵，麵身粗如烏冬般十分有咬口，薄如火腿的牛肉片同樣盛傳陝西刀功，碗內配菜蘿蔔芫茜可謂簡單之絕配。香辣涼皮 香料配搭開胃味道如韓式泡菜但又可以明顯嚐出川式麻辣味，層次十足。千層脆皮金牌饃 餅身口感鲛牛角包厚實，其脆脆程度自然更勝牛角包，加入肉鬆餡料後餅酥肉香的快感真係想食多個，可惜肚皮此刻已被填滿，百元晚餐好味之餘仲可以飽肚至此，可算十分抵食。而且仲可以快快脆脆享用完畢安全回家。