Video
Read full review
2009-06-14
11 views
今日同女友去荃灣行街街, 久聞森美餐廳大名, 長期爆滿. 如無訂位walkin, 90%冇位..... 打電話去訂位試下先~~訂左即晚8:00pm, 準時到達,發現除有人坐o既檯之外, 全部都係"留坐"!! 又不停有人想入黎, 不過比waiter哥哥以full booking理由拒絕左, 真係爆得咁勁?? 要試真下先!由於冇咩idea, 所以同女友各order左佢個超值晚餐, detail如下 :熱盤 : 芝士焗蠔各一份湯 : 本人:龍蝦濃湯 女友:+$15改左 酥皮海鮮湯主菜 : 鵝肝牛柳各一份 甜品 : 本人: chesses cake 女友: tiramisu好! 先講熱盤個焗蠔, 好味~芝士夠香, 蠔夠滑, 夠新鮮, 一啖搞掂~~ 我比呢味野80分!之後到個湯, 佢個湯係送埋蒜容包, 個包幾好味, 皮夠脆, 包內屬夠鬆軟, 蒜容亦ok! 先講我個龍蝦濃湯, 個湯飲個時只可以話係.......暖, 龍蝦味就夠, 都幾濃, 入面仲有d海鮮八爪魚, 蜆肉, 個人意見, 唔落好過落, 可能餐廳主人諗住咁會令人覺得抵食d, 但我覺得咁樣反而搞到個湯不輪不類咁..... 之後到女
訂左即晚8:00pm, 準時到達,發現除有人坐o既檯之外, 全部都係"留坐"!! 又不停有人想入黎, 不過比waiter哥哥以full booking理由拒絕左, 真係爆得咁勁?? 要試真下先!
由於冇咩idea, 所以同女友各order左佢個超值晚餐, detail如下 :
熱盤 : 芝士焗蠔各一份
湯 : 本人:龍蝦濃湯 女友:+$15改左 酥皮海鮮湯
主菜 : 鵝肝牛柳各一份
甜品 : 本人: chesses cake 女友: tiramisu
好! 先講熱盤個焗蠔, 好味~芝士夠香, 蠔夠滑, 夠新鮮, 一啖搞掂~~ 我比呢味野80分!
之後到個湯, 佢個湯係送埋蒜容包, 個包幾好味, 皮夠脆, 包內屬夠鬆軟, 蒜容亦ok! 先講我個龍蝦濃湯, 個湯飲個時只可以話係.......暖, 龍蝦味就夠, 都幾濃, 入面仲有d海鮮八爪魚, 蜆肉, 個人意見, 唔落好過落, 可能餐廳主人諗住咁會令人覺得抵食d, 但我覺得咁樣反而搞到個湯不輪不類咁..... 之後到女友個酥皮湯, 酥皮好脆, 湯好熱, 外觀比我個好得多, 加錢野果然唔同d......不過飲落口, 我覺得只係普通忌廉海鮮湯.....仲似係金寶o個隻...... 湯我只會比50分!
之後到主菜 : 鵝肝牛柳, 鵝肝剪得唔錯, 外脆內軟, 好香鵝油味~~ 入口滑得黎仲夠晒熱(我之前o係第二度食過....入面暖暖地, 好核突, 呢舊鵝肝我比90分! good, 之不過, 牛柳就大問題啦~ 首先, 舊牛柳係醃過的o既, 本人唔係好鐘意牛扒要醃, 始終覺得, 牛扒qulaity係好既, 落少少鹽, 黑椒, 煎下已經ok, 原汁原味, 醃過反而令到舊牛肉唔好食. 老實講, 佢醃得好都算, 最衰佢醃得好差, 第一, 咸到苦! 第二, 應該落左好多鬆肉粉, 入口好"o拿", 舊牛柳搞到咁, 就算佢煎得再好都冇用..... 呢舊牛柳我比 0分!! 不能入口
最後到佢個甜品, 一個字, 頂!! 2種cake都雪左唔知幾耐, 入口竟然有冰....入口咩味都冇, 只食到雪粒!! 完全唔可以想像一間西餐廳甜品可以差到咁!!! M記都好過佢多多聲!!! 0分!!
仲有, 餐飲order左 熱coffee, 同凍奶茶, 味道還可以, 唯一不滿係, 熱coffe竟然冇咖啡糖比我, 只有白糖, 以呢間謔餐廳黎講........有點兒那個
另外, 餐廳油煙味幾勁 (可能我坐得近廚房, 不過間野好細, 都冇幾多個位唔近廚房)
最後, 只有忠告各位唔好食佢個超值套餐, 食其他野可能好d (其他讚佢既人可能唔係食佢個套餐)
呢間野睇黎短期內都唔會再去......咁既價錢, 唔值!
Post