蕃茄仔

Open Now

Now Closed

本身係一個好中意食蕃茄既人，見佢呢間好似人人都讚好，所以就試一試。無記得呢間店舖本身係食日式pancake，而家保留左舊底既裝修，感覺都幾有feel。一去到排左半個鐘左右就有位，反而隔離個間富山麵家條隊就排到去街尾。講返佢個蕃茄湯底先，係好濃好creamy既蕃茄底，基本上唔係似出面啲「湯」咁水，而係有啲似撈麵既質感。不過對比下，我會中意佢無咁濃，因為會想食返佢啲麵既質感，同埋如果佢有更多蕃茄粒粒就會更有口感。而家反而食完有種好「滯」同太飽既感覺（其實食到一半都已經頂住頂住咁）。同埋可能我唔係叫最靚既牛肉，所以我覺得煮得有啲過左火喉。不過如果係一啲好中意creamy 又唔怕邪惡既朋友仔，就可以一試啦。