松 (Closed)

第一次食omakase!真係好難忘！我地早去到就有機會坐吧臺可以親眼睇到師傅既手勢！刺身好新鮮肥美！睇住師傅切好刺身親立刻送到你面前！真係好正我最鐘意依款火燒帶子刺身！燒過既帶子帶微微既油香，但帶子本身仲係好juicy！非常鮮甜！有兩種口感既美味！蝦都係即叫即開！蝦肉彈牙新鮮！雖然唔算好大隻，但味道同鮮度取勝！隨除左即叫即切既刺身外，仲有其他款式例始加左醬油同香蔥！微咸既醬油 突顯左刺身既味道！而微辛辣既香蔥就帶來另一種刺激！壽司都係高質，飯唔會太大舊，魚肉新鮮肥美，係唔同既款式中悉度加入芥末，令壽司更好食！燒平正魚！估唔到連估花都係食得嫁！魚燒得好好！魚皮燒到脆身！好好食！魚肉就好香口而且有烤魚個種香噴噴香味！高野豆腐壤蝦膠！豆腐炸得好好！外層既粉醬較厚身，唔算好香脆，不過就可能保持到豆腐本身既水份，令豆腐仲係多汁而且嫩滑！蝦膠好香口！同豆腐好夾！Omakase 雖然貴，但真係性價比極高！不過依餐都食左差唔多兩個鐘，因為每樣食物都係師傅即叫即整，同朋友吹下水，享受美食真係好正