焰 炭燒專門店 (Closed)

今晚朋友帶我去呢間新餐廳，剛剛開業無耐已經好評如潮，真係不得不試。打開lift門, 已經被氣氛所吸引, 每張檯都有仿火焰做裝飾, 食物打卡都滿有儀式感。Dinner 有兩個價錢, 揀咗$980/位呢set季節精品先付三品甘露蕃薯；味道香甜，口感軟糯。煙三文魚配哈蜜瓜黑魚子；口感清新，加左黑魚子增加香味。火炙蟹膏豆腐；滑嘟嘟嘅豆腐加上濃郁蟹膏，一淡一濃，好味。季節刺身三點呢個好得意，下面有條金魚游下游下，上面放左刺身，帆立貝厚肉肉質彈牙；牡丹蝦大隻鮮甜；拖羅油脂不得了，入口甘香。火炙和牛刺身配意大利香草汁用火輕輕燒下帶出和牛本身油脂香味，加左芽葱味道清新。鮑魚凍餅用左慢煮方法去煮鮑魚，口感軟林唔韌，旁邊有鮑魚肝醬一齊食，更香濃。鵝肝茶碗蒸蛋香嫩滑，鵝肝味道濃郁。炭薰牛舌用左備長炭去燒，牛舌爽口彈牙，配左芥末籽醬另一個風味。紫蘇二重燒牛肉卷有和牛他他，牛小排，牛肉味重，紫蘇葉清新，蘿蔔絲增添口感。壽喜汁精選和牛肉眼薄燒和牛加左少少白蘭地帶有酒香，壽喜汁甜甜地配上入口即溶嘅和牛，真係超級好味。炭燒白鱔師傅燒到皮脆肉嫩，起肉勢好完全無骨。旁邊的山芋泥口感綿密。日本玉子塩漬精選和牛柳粒牛柳粒口感