凡 (Closed)

最近同朋友約食飯，揀左呢間新開嘅懷石料理「凡」。餐廳由日藉師傅主理，當日幫襯嘅時候隔離枱都係日本客人，感覺非常正宗。餐廳環境唔算大，座位唔多，成個環境一眼望得晒。日藉師傅非常親切，用餐當日我因為搵唔到路而遲左，佢居然企左出門口等我，態度仲好好，真係比到人賓至如歸嘅感覺。餐廳有兩款唔同價位嘅套餐可以揀，分別係✨$680同✨$880。我同朋友都揀左$880嘅套餐。✨前菜5款盛盒五款前再分別裝咗喺和式風格嘅小碟上， 賣相非常精緻。味道方面亦做得唔錯，我自己就特別鍾意最中間嘅釀葡萄，食落非常清甜。✨刺身5款盛盒刺身由師傅即場處理，都係比較常見嘅刺身，分別有鯛魚、三文魚、帶子、牡丹蝦同拖羅，味道鮮甜。✨燒魚雖然menu上寫嘅係燒魚，但師傅為我地準備嘅則係燒北寄貝，食落鮮甜爽口，最後飲埋入面嘅湯，非常鮮美。✨煮物3款三款煮物望落都非常吸引。我自己特別鍾意個凍豆腐。上面放滿左海膽，豆腐帶有芝士味，咸咸甜甜，好似食緊芝士蛋糕味嘅布甸咁。✨肉類肉類係一款非常家庭式嘅煮和牛，以荷葉包裹住外層，牛肉口感幼嫩，但味道略咸。✨溫菜之後嘅溫菜係一道白子茶碗蒸，食落口感非常細滑。✨飯食飯食係兩件鯖魚押壽司，係我第一