Video
Read full review
2017-03-05
389 views
之前上網睇新聞話黃薑對身體好因為可以幫助消脂減肥！所以即刻search邊間餐廳有黃薑飯，俾我搵到呢間喺佐敦嘅印尼餐廳。即刻book咗尋晚去食！一入到去氣氛幾好，我哋叫咗餐牌上面的Set，然後餐廳店員好快就上一碗印尼蝦片，肚餓既我哋即刻清晒。然後嚟咗主菜-斑蘭椰香黃薑飯呢一碟飯好多配菜，啱晒我呢啲貪心嘅人！配菜有巴東牛肉、椰香燜什菜、酸辣炸雞蛋、魚香花生、薯蓉牛肉餅！ 先試吓個飯先，黃薑味比較少不過個飯炒得幾乾身，椰香味就有少少，並唔濃郁，但係配巴東牛肉食啱啱好，因巴東牛肉味道偏甜，食飯可以中和返！椰香燜什菜好淋，好入味，食到椰香。酸辣炸雞蛋反而個雞蛋唔覺有炸到不過我寧願唔好炸，因為咁樣食會健康啲！魚香花生好好味同都幾辣下，好啱用黎送啤酒。個薯蓉牛肉餅係炸嘅，入面好多薯蓉，好好味！之後就嚟咗印尼蝦醬炒通菜，呢個比泰式淡味，不過我就係鍾意佢咁樣，因為唔咸！最後上嘅係沙嗲串燒，兩串雞肉，兩串係牛肉，仲附上一碟醬汁。就咁食就已經好夠味，燒得岩岩好，而碟醬汁偏甜所以沾埋一齊食，應該可以送曬成碗飯！講返口感，雞肉較嫩，而牛肉就食唔太出有牛味，可能啲燒汁太濃味。食完之後想埋單，店員見到我就走黎問我覺
一入到去氣氛幾好，我哋叫咗餐牌上面的Set，然後餐廳店員好快就上一碗印尼蝦片，肚餓既我哋即刻清晒。
然後嚟咗主菜-斑蘭椰香黃薑飯呢一碟飯好多配菜，啱晒我呢啲貪心嘅人！配菜有巴東牛肉、椰香燜什菜、酸辣炸雞蛋、魚香花生、薯蓉牛肉餅！
先試吓個飯先，黃薑味比較少不過個飯炒得幾乾身，椰香味就有少少，並唔濃郁，但係配巴東牛肉食啱啱好，因巴東牛肉味道偏甜，食飯可以中和返！椰香燜什菜好淋，好入味，食到椰香。
酸辣炸雞蛋反而個雞蛋唔覺有炸到
不過我寧願唔好炸，因為咁樣食會健康啲！魚香花生好好味同都幾辣下，好啱用黎送啤酒。
個薯蓉牛肉餅係炸嘅，入面好多薯蓉，好好味！
之後就嚟咗印尼蝦醬炒通菜，呢個比泰式淡味，不過我就係鍾意佢咁樣，因為唔咸！
最後上嘅係沙嗲串燒，兩串雞肉，兩串係牛肉，仲附上一碟醬汁。就咁食就已經好夠味，燒得岩岩好，而碟醬汁偏甜所以沾埋一齊食，應該可以送曬成碗飯！講返口感，雞肉較嫩，而牛肉就食唔太出有牛味，可能啲燒汁太濃味。食完之後想埋單，店員見到我就走黎問我覺得啲食物點樣。成個過程店員好親切，仲講解傳統印尼食物嘅味道應該係點樣。
呢餐食得好開心，如果多啲餐廳服務好似呢一間咁，我諗每一個香港人都好樂意出街食飯。
Post
