牛牛日式火鍋放題 (北角匯二期) (Closed)

今日仔仔補完習帶佢去食好啲，獎勵吓佢之前小測成績唔錯！所以帶咗佢去北角匯二期果間牛牛日式火鍋放題 （🧒🏻：之前扭計成日話要食好耐）坐低咗一陣之後好快就有🤵🏻‍♀️🤵🏻過嚟serve我哋，呢度嘅服務態度真係值得讚。極之鰹魚鍋佢個汁甜甜地😚好岩仔仔食！膠原豬骨鍋，試左個湯底都幾惹味! 😆岩曬師奶仔我補下！  呢個價錢係任食，無論係豬肉、牛肉定羊肉佢哋都有提供。食咗咁多款最鍾意佢哋嘅澳洲綠草原羊肩肉同丹麥豚腩肉💓一片片，擺落火鍋入邊淥一淥見佢變咗顏色就可以食，真係好好味😋整體上我同仔仔幾鍾意呢間火鍋放題店😆超級多唔同款式蔬菜品種，任君選擇！營養balance種類勁多，樣樣都咁好食，媽咪我都放心！成人$328同埋小朋友$218，果然係性價比超高嘅專門火鍋店😝