Video
Read full review
2023-05-11
3230 views
❤️ 超打卡able嘅日式居酒屋 📸令和居酒屋有2間店舖，今次我去咗尖沙嘴店 😊地方好大，座位都多，有卡位同梳化位，多人嘅話仲可以訂廂房添 😊 佈置又靚，充滿濃厚嘅日式風情 🤩🇯🇵可能店員知我鍾意打卡，所以安排咗個打卡位俾我坐 😁👍好正呀！成幅好可愛嘅卡通牆喺正我隔離，我冇理由唔影架嘛？😆🥗 霜降和牛洋蔥沙律真心推介🔥霜降和牛油花細密均勻，肉質嫰口多汁 😋偏向薄切，以及半生熟，夾埋新鮮爽口沙律菜一齊放入口，令你咀嚼嘅時候，一邊嚐到清新，同時嚐到鮮和牛肉味 ❤️車厘茄好清甜，再加埋醃洋蔥 😃 想講呢度嘅洋蔥冇我想像中咁嗆鼻喉，仲帶點甜添！因為平時食沙律都幾怕食太多生洋蔥，因為食完個口係成陣味 😵 但呢度冇啊！配埋車厘茄同黑醋食，酸酸甜甜好開胃呢 🥳🦪 燒廣島生蠔 (2本)自己本身唔食生蠔，好怕佢嘅味同生食嘅質感 😅呢度係用千島醬汁去燒蠔 😮 對於我有點驚喜，因為用千島醬，一來可以蓋咗少少我怕嘅蠔味，二來千島醬同蠔都幾夾喎！蠔肉肥美，夾埋千島醬汁去燒好香，食落多汁滋味！不錯 🤩🐐 鹽燒羊鞍 (2本)聞同食落口完全唔覺有羶味 😃👍燒得好香，鹽都冇落過多，鹹度剛好，羊鞍好juicy啊 🤩🤤 肉好嫰
74 views
0 likes
0 comments
令和居酒屋有2間店舖，今次我去咗尖沙嘴店 😊
地方好大，座位都多，有卡位同梳化位，多人嘅話仲可以訂廂房添 😊 佈置又靚，充滿濃厚嘅日式風情 🤩🇯🇵
可能店員知我鍾意打卡，所以安排咗個打卡位俾我坐 😁👍
好正呀！成幅好可愛嘅卡通牆喺正我隔離，我冇理由唔影架嘛？😆
🥗 霜降和牛洋蔥沙律
霜降和牛洋蔥沙律
77 views
1 likes
0 comments
真心推介🔥
霜降和牛油花細密均勻，肉質嫰口多汁 😋
偏向薄切，以及半生熟，夾埋新鮮爽口沙律菜一齊放入口，令你咀嚼嘅時候，一邊嚐到清新，同時嚐到鮮和牛肉味 ❤️
車厘茄好清甜，再加埋醃洋蔥 😃 想講呢度嘅洋蔥冇我想像中咁嗆鼻喉，仲帶點甜添！因為平時食沙律都幾怕食太多生洋蔥，因為食完個口係成陣味 😵 但呢度冇啊！配埋車厘茄同黑醋食，酸酸甜甜好開胃呢 🥳
🦪 燒廣島生蠔 (2本)
燒廣島生蠔
71 views
0 likes
0 comments
自己本身唔食生蠔，好怕佢嘅味同生食嘅質感 😅
呢度係用千島醬汁去燒蠔 😮 對於我有點驚喜，因為用千島醬，一來可以蓋咗少少我怕嘅蠔味，二來千島醬同蠔都幾夾喎！蠔肉肥美，夾埋千島醬汁去燒好香，食落多汁滋味！不錯 🤩
🐐 鹽燒羊鞍 (2本)
鹽燒羊鞍
50 views
0 likes
0 comments
聞同食落口完全唔覺有羶味 😃👍
燒得好香，鹽都冇落過多，鹹度剛好，羊鞍好juicy啊 🤩🤤 肉好嫰腍，唔駛大力咬 😂
🍢 明太子厚揚串
明太子厚揚串
38 views
0 likes
0 comments
好好味 🤩 除咗和牛沙律外，呢款都推介！😍
豆腐炸到金黃色，外皮好脆口，內裡好鬆軟 😋 豆腐面頭舖滿好多明太子再燒一燒，所以勁香！
一份會覺得唔夠喉 🤤
🦑 汁燒16寸日本大魷魚筒
汁燒16寸日本大魷魚筒
25 views
0 likes
0 comments
魷魚真係有16寸咁長架唔係講笑 😮
燒得好香，上菜時已經一早切好件 👍
魷魚肉質新鮮彈牙，加咗燒汁夠惹味 😋
🍜 日本黑毛和牛鍋燒烏冬
日本黑毛和牛鍋燒烏冬
25 views
0 likes
0 comments
湯底清甜，烏冬偏幼身，彈牙又滑 😋
送上檯時個鍋仲係熱辣辣嘅，和牛係半生熟，等熱湯去浸到剛熟，食落口好滑 😋
除咗和牛同烏冬，仲有海帶、蟹柳、鳴門卷同半熟蛋，份量幾足 🥰
原本想叫呢度人氣飲品「鮮檸檬燒酎梳打」，不過太受歡迎喇，賣哂 😭😞
叫咗呢2款含有日本燒酎成份嘅cocktails：
🥛 Imo Shochu Iced Tea
荔枝＋綠茶＋芋燒酎
因為太多冰，荔枝綠茶味道唔出，所以令成杯嘢味道淡哂 🙈
🍹 Around Japan
乳酸＋炭酸水＋米燒酎
米燒酎味道比較中性，大部分人都可輕鬆入口。
但乳酸味不算突出，味道淡了點 😅
建議叫cocktails 要求少冰 😬
整體嚟講，服務不錯，店員都好友善，價錢對比食物質素係值，都幾抵食！ 😄 會有下次 👍
Post
