Video
Read full review
2023-03-18
300 views
約咗朋友嚟屯門公園賞花，園內除了有一大片花海外，原來仲有唔少打卡熱點，例如：人工湖、荷蘭風車、人工瀑布、爬蟲館等，絕對可以讓人消磨大半天！遊覽完畢，又係時間食晏，唔想行太遠，近近哋，嚟咗「悦品度假酒店‧屯門」入面嗰間「The Platter」。酒店以火車為主題，大堂以紐約車站作設計藍本，而位於 2 樓嘅「The Platter」更佈置成火車車箱，十分有特色！餐廳逢星期一至五都會供應半自助餐，客人除了可以喺菜單上自選一款主食外，仲會包自助沙律吧、自助甜品、咖啡或茶。我哋揀咗燒羊柳配迷迭香肉汁 ($188) 同 寶雲酥焗鯛魚柳配香草蕃茄汁 ($168)。羊柳燒得啱啱好，肉質腍嫩，外層稍稍焦香，內裡仍存肉汁，入口沒有羊羶味，蘸迷迭香肉汁吃，更添滋味。伴碟嘅薯蓉亦非常可口，做得十分 Creamy 幼滑。魚柳面層裹上了麵包糠同香草嚟焗，入口香酥鬆脆，魚香味十足，內裡魚肉嫩滑，沾酸酸甜甜的蕃茄汁一起吃，味道非常夾配。至自助 Salad Bar 就有雜錦沙律菜、溫室豆苗、生菜、蕃茄仔、甘筍絲、紅腰豆、甜粟米等，客人可以自行 DIY，製成自己專屬嘅沙律。另外仲有西洋菜豬骨湯、忌廉椰菜花湯、意粉沙律、瑞
遊覽完畢，又係時間食晏，唔想行太遠，近近哋，嚟咗「悦品度假酒店‧屯門」入面嗰間「The Platter」。
酒店以火車為主題，大堂以紐約車站作設計藍本，而位於 2 樓嘅「The Platter」更佈置成火車車箱，十分有特色！
餐廳逢星期一至五都會供應半自助餐，客人除了可以喺菜單上自選一款主食外，仲會包自助沙律吧、自助甜品、咖啡或茶。
我哋揀咗燒羊柳配迷迭香肉汁 ($188) 同 寶雲酥焗鯛魚柳配香草蕃茄汁 ($168)。
羊柳燒得啱啱好，肉質腍嫩，外層稍稍焦香，內裡仍存肉汁，入口沒有羊羶味，蘸迷迭香肉汁吃，更添滋味。伴碟嘅薯蓉亦非常可口，做得十分 Creamy 幼滑。
魚柳面層裹上了麵包糠同香草嚟焗，入口香酥鬆脆，魚香味十足，內裡魚肉嫩滑，沾酸酸甜甜的蕃茄汁一起吃，味道非常夾配。
至自助 Salad Bar 就有雜錦沙律菜、溫室豆苗、生菜、蕃茄仔、甘筍絲、紅腰豆、甜粟米等，客人可以自行 DIY，製成自己專屬嘅沙律。
另外仲有西洋菜豬骨湯、忌廉椰菜花湯、意粉沙律、瑞士薯仔沙律、韓式泡菜、四川麻辣雲耳同餐包等，全部都可以任飲任食。
最後記得要留肚食甜品，除咗有蛋糕同小甜點之外，仲有雪糕、糖水同班戟，食飽再嘆番杯果汁，真係非常寫意。
Post
