Luna Kaffe

Open Now

Now Closed

女人街有好多野食，自從琴晚食完一次之後我以後想食西餐或者鋸扒都一定會嚟返依間。已經8點都仲係滿座! 鐵板餐以外仲有飯或者意炒，但因為餐廳大部分客人都係食鐵板，個香味實在太吸引，已經鎖定係某一頁度。選擇都好多，基本上嘅選項都有之餘，仲有比較少見嘅威靈頓牛柳!咁當然其中一款就決定係佢啦!而另一樣就揀咗紐西蘭穀飼肉眼伴燒汁，餐本身已經包是日餐湯同埋熱飲，凍飲或者特飲就另外加錢。是日餐湯當日只有一款，黑松露忌廉湯，其中一個餐湯加咗酥皮。另外仲加咗三款小食﹕焦糖燉蛋、黃金蝦多士、脆炸軟殼蟹。好快餐湯就送到，個酥皮超香超脆，加埋落忌廉湯係完美嘅配搭，如果同我一樣都中意酥皮就一定要加! 而小食同正餐都好快就送到，超級香嘅肉味，未落汁已經流晒口水。當然食鐵板最開心就係聽住啲醬汁倒落燒到熱焫焫嘅鐵板上面發出嘅嗞嗞聲，而且襯熱倒嘅話塊扒同埋菜蔬可以吸收埋醬汁嘅味道，超正!第一時間就係先試威靈頓牛柳，叫咗七成熟，切開中心係好靚嘅粉紅色。酥皮同牛柳真係好夾，酥皮吸收咗啲肉汁之後好入味，肉質好嫩。肉眼都好大份，同樣地叫咗七成熟，中心都係粉嫩嘅顏色，好易切開，好滑好夠肉味!而小食都炸到好香脆好好食，尤其係蝦多士超