Luna Kaffe

Open Now

Now Closed

睇見食友嘅貼文，竟然唔使「一嚿水」就食到威靈頓牛柳，喺真唔喺呀？真喺好好奇咩質素喎！所以，都趁好耐未同夏總食過飯，就約佢出嚟聚一聚，兩個佬講下波經、又講下旅行嘢。「通菜街」（女人街）兩旁小販檔後就有好多餐廳，大多數都喺屬於小店形式經營，好似今次嚟到嘅「Luna Kaffe」鋪面唔大，但入面都幾深長，兩邊仿磚牆，天花掛上大大個波燈，裝修簡約。翻一翻餐牌，食物嘅選擇有漢堡、意大利麵、意大利飯、鐵板、沙律、咖喱同薄餅，所有主食已包括餐湯及餐飲，餐飲有升級優惠，又有加配小食優惠，而飲品方面，除咗基本嘅港式嘢飲之外，仲有幾款沙冰。食物嘅定價真喺好相宜吓，貫徹返通菜街喺走平民路線嘅聚腳點。是日餐湯是日餐湯喺蟹柳忌廉湯，客人可以加$20轉為酥皮湯，不過，我哋就簡簡單單飲返基本嘅餐湯就可以喇。質感較為挺身，忌廉味重，裡面有少少蟹柳，喺幾港式嘅做法。炭燒美國牛仔骨伴黑椒汁 $128鐵板餐有多種牛肉類嘅選擇，老友就話好少食牛仔骨，今晚一於試返吓。「鐵板」嚟到滋滋聲響，聽聲都感覺到熱力逼人，一客有兩大件牛仔骨，非常夠份量，仲配咗好幾類型蔬菜，並伴上惹味嘅黑椒汁。佢就話啲牛仔骨好有肉味，而且比預期軟腍好食，百

Fafafoodblog為食花太郎 🍴紐西蘭穀飼肉眼伴燒汁 148 蚊🐂牛扒好彈牙 牛味夠 上枱熱辣辣 有茄子甜粟米拌碟 燒汁好香 🍴芝士煙肉焗蠔 38 蚊🧀 焗蠔芝士足料入味 蠔肉juicy 🍴香辣魷魚 38 蚊🦑魷魚香辣度夠惹味 魷魚彈牙 新鮮🍴白布烏冬88 蚊 配香油封鴨脾 🦆鴨脾個皮幾彈牙 鴨肉味香濃 點d芝麻醬突顯到鴨味 烏冬好爽口夠彈牙 點d昆布湯好正 🍴SKY blue 48 蚊🍴yakult 48 蚊呢兩款沙冰好冰涼足料 夏天飲正#魷魚 #沙冰 #益力多 #烏冬 #鴨脾 #芝士 #焗蠔 #燒汁 #肉眼扒 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#lunakaffe 旺角通菜街25 號地鋪~~~~~~~~~#fafafoodblog #為食花太郎 #fafafoodblog旺角====================

今日我同朋友喺旺角行街，咁啱見到一間幾精緻嘅西餐廳，於是即刻決定去試吓。首先上嚟嘅係今日嘅餐湯——白汁忌廉蟹柳湯。呢碗湯味道濃郁，蟹肉嘅鮮甜同忌廉嘅香滑完，飲落味道都幾好跟住試咗白布烏冬配咖喱吉列豬扒。白布烏冬口感幾特別，咬落去彈牙又爽口，加上香濃嘅咖喱醬汁，咖喱吉列豬扒份量都好大，豬扒仲要係外脆內嫩！我哋仲叫咗紐西蘭穀飼肉眼，揀咗五分熟。牛排一上到嚟，真係大到驚人，肉質鮮嫩，牛味濃郁，厚度份量真係好足！無論直接撤離食食定加上燒汁，都好好味。最後仲點咗幾樣小食，芝士煙肉焗蠔味道濃郁，蠔肉鮮美，配上cheese真係好正！脆炸軟殼蟹外面酥脆，裡面肉質鮮嫩，仲要啖啖肉，成個食都唔會好油膩！焦糖燉蛋就係西餐經典嘅甜品，香滑又唔太甜，加上蛋味都幾濃，值得推介！

之前喺舊舖食過一次 覺得性價比好高於是今次再同朋友食跟餐可以加錢轉酥皮湯 酥皮湯都係啱啱焗起所以塊酥皮好脆 加埋啲湯度都好飲湯就係忌廉蘑菇湯 起碼忌廉湯唔係好稀主角 威靈頓牛柳 雖然唔係好大嚿真係得酥皮包住個牛柳 中間冇蘑菇醬或者包住ham咁牛柳咬落慢慢先食到牛味 而且真係做到裏面5-7成熟 唔會太韌 咁嘅價錢 我覺得正常啦不過其他主菜就一般般叫咗黑椒汁豬扒意粉就真係正常普通出面食到嘅快餐味道意粉偏乾 豬扒都幾厚身 好香豬味嘅 但係都幾難咬總括而言 我覺得小店咁嘅價錢有咁嘅質素 真係性價比好高 要支持吓

女人街呢度相對上比較少cafe西餐，前排行過見過呢間簡單裝修無起眼deco嘅cafe，見餐牌啲食物吸引咗我去試🤭Dinner Set餐湯 黑松露忌廉湯🥣餐前湯尤其白湯好怕太濃味影響之後嘅胃口，呢個味道適中很可以👌🏻紐西蘭穀飼肉眼扒$148超平價🥹但份量好大好足夠肉質係幾好，鐵板上保持溫度海魷墨汁意粉同出面食開有啲分別 唔係成碟黑色魷魚係另外放上去 味道香辣惹味會為咗呢碟意粉再去😍🙂‍↕️小食香辣魷魚同意粉上面放嘅係一樣的完全唔介意🫣味道好令人回味！焦糖燉蛋係好食而唔膩嘅燉蛋👏🏼檸檬菜蜜跟dinner set免費🆓凍飲+$3益力多乳酪 +$15好濃益力多味 推介⭐️Overall性價比超級高下次試埋其他菜式🚩

Luna Kaffe位於旺角通菜街，地鐵站步行幾分鐘就到，非常方便。價錢親民，選擇都多，餐廳有鐵板燒，威靈頓牛柳 , 意粉、沙律、咖喱.............最近見有人推介呢間餐廳新出左2款白布烏冬，今日就同朋友黎試吓,星期六下午2時左右到 , 餐廳已經排緊長龍 , 好彩等大約10分鐘到就有位 , 所有套餐已包括餐湯及餐飲，餐飲有升級優惠，又可以用優惠價加配小食/甜品。而飲品方面，我地叫左2款沙冰唔記得影。我地食到好飽 , 食物質數高, 價錢相宜，值得再回頭 , 要支持本地消費 , 好食嘅餐廳真係買少見少

📍旺角喺旺角行完街好攰，見到呢間新餐廳就試吓。人山人海，都排咗幾個字。跟咗湯方，係忌廉湯。$38 炸軟殼蟹$38炸雞鎚加咗錢要咗呢兩款小食，炸雞鎚都好大隻，有三隻。炸軟殼蟹有成隻手掌咁大。熱辣辣勁好食。$88 炸豬扒白布烏冬冷沾烏冬，係咖喱汁，白布烏冬其實都出咗好多年，今次都係第一次食，口感好得意，打卡一流。另外仲有兩款沙律汁，配炸豬扒，炸豬扒勁大塊，兩個女仔share都好大份。$148 肉眼扒叫咗五成熟，啱啱好，落啲汁落去嗰陣，好似出去食花園餐廳嘅感覺，好懷念。仲有啲粟米，翠玉瓜做配菜。$48YAKULT勁好飲，係益力多沙冰，唔會太多冰，味道啱啱好。食炸嘢飲呢個好爽。$48 FRUIT PUNCH朋友就揀咗呢杯，感覺甜度啱啱好，而且漸層都好靚。

最近喺旺角行街 咁啱見到間西餐廳睇落唔錯咁 就入咗去食白汁忌廉蟹柳湯首先上來的是今日的餐湯——白汁忌廉蟹柳湯。這碗湯的味道濃郁，蟹肉的鮮味與忌廉的滑順搭配得相當不錯，飲下去的時候感覺很舒適。紐西蘭穀飼肉眼配燒汁接著我點了紐西蘭穀飼肉眼，選擇了五分熟。牛排上桌時，份量還算可觀，但食落去感覺牛味稍微不足。不過，無論是直接食用還是沾上燒汁，整體的味道仍然相當不錯。終結嚟講食物都不過不失嘅，不過牛肉味道稍為不足，希望下次可以有進步啦

想食西餐又唔想破產嘅朋友可以試下呢個叫Luna Kaffe嘅西餐廳,份量大到不得了首先講黃金脆香雞堡配薯條，個雞肉厚到誇張，一啖咬落去，外皮香脆到爆，裡面嘅肉又多汁又嫩滑，配埋薯條簡直完美！焦糖燉蛋滑到冇朋友，入口即溶，甜度啱啱好冇過頭。忌廉湯濃郁得嚟又唔會太漏，香濃滑溜，啜一啖就暖笠笠。蒜香牛油包香氣撲鼻，外脆內軟，沾埋牛油食簡直係罪惡感爆燈。威靈頓牛柳五成熟外層酥脆，入面嘅牛肉粉紅色靚到震，一刀切開嘅時候仲會見到肉汁慢慢流出嚟，食落口嫩得嚟又唔失牛肉本身嘅咬感。香辣魷魚就真係香辣到爆，啲魷魚炸得香脆，又唔會太韌，辣味夠晒刺激，配埋啤酒就一流！飲品方面，奶茶就香濃滑身，唔會太甜，啱晒香港人口味。

呢間嘢前身叫LA Restaurant and Dessert Bar，入邊裝修冇乜大變，餐牌唔係好大分別，仲保留咗signature嘅威靈頓牛柳，但係其他菜就加咗價，懷疑只係改咗名。個湯完全係以前港式餐廳麵粉湯，唔係忌廉湯，搞搞吓會變水嗰種，入邊得少少蟹柳絲，麻麻地，當佢花園餐廳咁食就OK個朱古力係水溝朱古力粉，應該冇奶嘅成份，成杯嘢勁奇怪，仲要超甜，飲到成口粉，仲要好稀，得個顏色。威靈頓牛柳好細舊，就算女仔食都一定唔會飽，脆皮幾香整得幾好，但係牛柳感覺好似制過，唔係天然淋嗰種。整體就…冇下次如果原本飽飽地再去食就OK嘅，當佢正餐就不了

最近都有人推介呢一間餐廳，都話威靈頓好抵食，今日就試吓佢。6:00到都已經有唔少人。威靈頓牛柳$98既威靈頓牛，職員會問需要幾成熟，佢係以鐵板形式上碟嘅，所以大家都可以按照喜好嚟決定生熟程度。 佢嘅酥皮唔會話太厚，牛肉質素幾高，肉質軟熟，咁嘅價錢嚟講真係冇得輸。白布烏冬伴咖喱吉列豬扒天氣熱食呢個白布烏冬都唔錯，白布烏冬口感Q彈，真係好好食。佢配上咗咖喱或者麻醬。另外佢嘅吉列豬扒勁大塊，豬扒都充滿肉汁。蒜香牛柳粒叫完主食可以加錢叫小食，呢個蒜香牛肉粒，上面有好多嘅蒜片，所以好香，另外牛肉嘅肉質都係好飽滿，仲要幾有牛肉味。焦糖燉蛋上網見到呢個燉蛋勁吸引，所以嚟到一定要叫嚟試吓。果然呢個燉蛋真係唔錯，匙羹扑落去嗰一下好治癒，燉蛋軟滑夠晒香。 FRUIT PUNCH /YELLOW PINEFRUIT PUNCH 味道就正正常常。YELLOW PINE 係菠蘿沙冰，個人幾推介呢個 ，因為菠蘿味濃郁，仲要沙冰透心涼。

每次同朋友唔知道食咩，都會嚟到旺角女人街覓食，今日就揀咗呢間平民西餐，價錢親民，選擇都多， 有鐵板餐、漢堡、意粉、pizza、咖哩等種類。是日餐湯： 粟米蘑菇忌廉湯餐湯好幼滑creamy，味道好濃郁，充滿奶油香味。香蒜欖油海鮮意粉($98)有魷魚、蜆肉、蝦、蟹柳等配料，意粉軟硬度適中。蒜味好香，但醬料唔會太多太油膩。加配小食：脆香雞槌($38)真係好脆， 咬開時入面啲肉仲噴緊煙，可惜有啲dry，如果有醬汁可以點會更好。巨人芝士豬扒漢堡伴薯條（$128）呢個漢堡嘅份量真係好大， 豬扒好似我隻手咁大，而且有成cm厚，但又唔會太韌，份量十足，非常飽足。加配小食：香辣魷魚($38)魷魚好爽口彈牙，辣度適中，個醬汁有啲似家常菜既昧道，非常開胃。Fruit Punch

Luna Kaffe位於旺角通菜街，距離地鐵站只有數分鐘嘅步行距離，非常方便。一入餐廳已經聞到好香嘅鐵板燒味，餐廳主打鐵板燒，都有意粉、薄餅，可以以優惠價加配小食。套餐送餐湯同熱飲，可以加$15加配主食，飯、意粉、薯條都得，性價比真係好高。🍽️ 蘑菇忌廉湯忌廉湯好濃味，用料一啲都唔馬虎，每淡湯都有蘑菇同肉粒。🍽️ 紐西蘭穀飼肉眼伴燒汁肉眼切得好薄，燒得好入味，肉質鮮嫩多汁。伴碟有車厘茄、粟米、翠玉瓜，配色鮮艷。🍽️ 威靈頓牛柳配意粉牛柳油脂分佈平均，牛肉質量好好，咬落去好嫩滑，出邊嘅酥皮好鬆軟，同牛柳嘅肉質好大對比，一齊咬好有口感。牛柳燒得岩岩好，入口即溶，保留咗牛肉嘅鮮味😋Luna Kaffe 📍旺角通菜街25號地舖

雖然夏天熱辣辣，但一時興起想食鐵板🤣，於是喺旺角試咗呢間平民價錢嘅餐廳，有幾道菜好值得講下～🥩威靈頓牛柳切開嗰陣個酥皮鬆化到不得了，入面嘅牛柳仲係粉紅色🥹，肉質juicy又軟淋淋，配埋嗰啲蘑菇同醬汁，味道層次好豐富，真係好正🤣🐄慢煮黑椒牛舌牛舌個texture煎到超級軟，再加上黑椒嘅香辣味，忍唔住食完一塊又一塊🤩，份量方面，每塊都勁大塊，兩個人先食得曬，呢個價錢絕對有驚喜🤣🦑香辣魷魚呢味小食勁開胃🤤，魷魚好彈牙，辣味適中，夠晒惹味，一嚿接一嚿，完全停唔到口🦀脆炸軟殼蟹原隻軟殼蟹炸到金黃香脆，一咬落去嗰種脆卜卜嘅感覺，再加埋啲簡單嘅調味，有啲後悔冇嗌多隻🥹🍮焦糖燉蛋焦糖面好脆，都要啲力打散佢🤣 燉蛋好滑，溫度係微暖狀態，做飯後甜點一流😚🍸Yakult mocktail 帶有少少酸酸甜甜嘅味道，質地似沙冰，飲落好開胃🍹Fruit punch mocktail果香濃郁，但味道又唔會過甜，夠晒清新，兩杯都係大熱天時行街行到身水身汗嘅絕佳選擇整體嚟講，呢間餐廳無論係食物定係飲品都做得好有心思，幾道菜各有特色，值得一試！

最近同朋友去咗喺旺角嘅Luna Kaffe，呢間餐廳係一間價錢親民嘅cafe，整體體驗非常愉快。餐廳內部裝修有一種溫暖嘅氛圍，布置得舒適而溫馨，非常適合同朋友或家人一齊享用美食。🔶重量級安格斯牛肉漢堡伴薯條一登場就非常吸引嘅重量級安格斯牛肉漢堡🍔，一啲都冇令我哋失望。漢堡入面嘅牛肉扒非常厚實，煎得剛剛好，內裡軟嫩多汁，肉香四溢。搭配嘅薯條🍟，新鮮即炸，外脆內軟，非常香口，超滿足！🔶炭燒美國煙燻豬肋骨間BBQ醬：豬肋骨外層燒得非常香脆，內裡肉質嫩滑，輕輕一撕即骨肉分離，配合甜甜嘅BBQ醬，味道非常誘人，令人一口接一口，完全停唔到🤤🔶酥皮湯是日餐湯轉咗酥皮湯，今日嘅選擇係海鮮湯。海鮮湯底濃郁鮮美，入面有勁多粒蜆肉，好足料。上面嘅酥皮非常酥脆，金黃香甜，撕下一塊浸埋海鮮湯度，口感豐富，好好味😋🔶脆炸軟殼蟹軟殼蟹炸得非常脆口，外層炸粉非常薄，蟹肉甜美，好juicy有鮮味。🔶焦糖燉蛋焦糖層煮得非常完美，輕敲一下，焦糖碎開，裏面嘅燉蛋綿密滑溜，口感細膩🤤。雞蛋味好濃郁，又唔會過甜。🔶Yellow Pine (菠蘿沙冰)🍍菠蘿沙冰真係非常爽口，酸酸甜甜，非常醒胃，好適合夏天飲。