金雋江南菜館 (Closed)

新年時男友來拜年，到附近商場搵食醫肚，有部份餐廳都未開，所以今次揀左呢間上海菜，又估唔到都幾好味，可能新年流流，服務都比較好。招牌小籠包$30有四個，價錢都合理，賣相看似不吸引，小籠包比較扁平，咬破包皮一嚐，幸好肉汁豐富，皮也算薄，肉餡也較多。花雕醉雞$60，雞肉浸得夠入味，有酒香而不澀，雞肉質感偏札實，再嫩滑點會更好。酸辣湯麵$44，價錢好親民，大大碗夠飽肚，可以一嚐酸辣湯，又食到上海麵。不過酸辣湯雖材料滿滿，但味道不夠濃，不夠酸也不夠辣。瑤柱扒豆苗$98，有大量細心拆成的瑤柱絲，蠔油芡汁稀稠適中，味道濃郁惹味，豆苗鮮嫩無渣，濕潤帶點咬口。價錢夠親民，食物味道不錯，附近屋邨醫肚選舉擇之一。