Video
Read full review
2019-06-01
248 views
自從搬離荃灣後都好少夜晚返回荃灣區，今晚在汀九接了兒子後一家三人都想重回舊地，差不多11點，最好選擇之一當然是食甜品了;荃灣路德圍是食肆集中地，甜品及小食店超過20間以上，之後有幾次都想試松記，但有好多次都有太多人排隊而放棄，今晚剛好唔需要排隊，便立即入去試下。餐牌都有幾版，有時選擇太多亦未必好，我地都要花8分鐘以上才可以決定食什麼，而侍應太少，再等了幾分鐘才有時間落單，前後都可能有15分鐘，阻慢了返枱數量而影響生意。我地點了朱古力雪糕咖啡木糠布甸、椰汁喳渣及芒果曲奇雪糕黃金酥，其實在新派甜品店都好少有傳統的甜品，所以我老婆堅持要試下喳渣，食落無什麼特別，但價錢只係$18，真係唔算貴。朱古力雪糕咖啡木糠布甸整體可以接受，但下層的木糠布甸太硬太干，如何不是有雪糕在上面而一起食，單純計木糠布甸唔合格。芒果曲奇雪糕黃金酥亦係一般水平，黃金酥面十分鬆脆，我期望黃金酥內會有少少料，但完全無餡料而材料太薄，感覺有D空虛唔實在，芒果看落唔新鮮及後加了一D糖。但3個人埋單只係$78，價錢貼地及親民，老實講又唔可以要求太高，因為同樣的甜店在紅磡區可能要$100才可以落樓。我地食完都好似未夠，立即去旁邊再
餐牌都有幾版，有時選擇太多亦未必好，我地都要花8分鐘以上才可以決定食什麼，而侍應太少，再等了幾分鐘才有時間落單，前後都可能有15分鐘，阻慢了返枱數量而影響生意。
我地點了朱古力雪糕咖啡木糠布甸、椰汁喳渣及芒果曲奇雪糕黃金酥，其實在新派甜品店都好少有傳統的甜品，所以我老婆堅持要試下喳渣，食落無什麼特別，但價錢只係$18，真係唔算貴。
椰汁喳渣
$18
18 views
0 likes
0 comments
朱古力雪糕咖啡木糠布甸整體可以接受，但下層的木糠布甸太硬太干，如何不是有雪糕在上面而一起食，單純計木糠布甸唔合格。
朱古力雪糕咖啡木糠布甸
$28
31 views
0 likes
0 comments
芒果曲奇雪糕黃金酥亦係一般水平，黃金酥面十分鬆脆，我期望黃金酥內會有少少料，但完全無餡料而材料太薄，感覺有D空虛唔實在，芒果看落唔新鮮及後加了一D糖。
芒果曲奇雪糕黃金酥
$32
14 views
0 likes
0 comments
但3個人埋單只係$78，價錢貼地及親民，老實講又唔可以要求太高，因為同樣的甜店在紅磡區可能要$100才可以落樓。我地食完都好似未夠，立即去旁邊再每人食一碗$3元的豆腐花，真正大滿足。
Other Info. :
路德圍搵位泊車都有一定難度，好彩我等了5分鐘便有位
(The above review is the personal opinion of a user which does not represent OpenRice's point of view.)
Post
