匠心廚房 (Moved) New Location

水果報介紹呢間食店老闆曾經係北京五星級酒店中菜總廚，所以今日同老婆嚟試吓。裝修簡潔平實，配有金色裝飾品，別具特色。點咗個二人套餐：有頭盤、炖湯、小菜、白飯/饅頭($198）雪耳椰子🥥雞炖湯，清甜有椰香味，沒有油膩感，湯料又多可以食，滋補潤肺，尤其適合秋冬飲用。頭盤：麻辣川蜀口水雞，麻辣醬汁辣中帶香，辣度適中，但雞肉略嫌唔滑。小菜：拍蒜醬油豆角，蒜香醬濃，豆角軟硬度恰到好處，一道簡單嘅菜式都做得好惹味。小菜：羅望子乾蔥腩排，味道酸酸甜甜，比咕嚕肉更好味，如果腩排能夠肉多骨細，口感會更好。另外叫多兩杯養生茶：靈芝山楂烏梅茶及銀耳無花果薏米水，足料味濃，生津止渴。