Video
Read full review
2018-03-24
117 views
OMAKASE？如果你係日本菜FANS定必知道係咩黎，假如少留意都唔緊要，等我呢篇文帶你去食一次OMAKASE！OMAKASE即係廚師發辦，可以話係日本其中一種既飲食方式，你諗唔到食咩？唔緊要，廚師會幫你諗，一般係香港食既OMAKASE都偏貴，而今次到呢間位於西環既「神川」就主打平民路線喲！你講低你既BUDGET，廚師再為你發辦。小店不大，座位幾枱，怕冇位既可以早小小黎 我就試左$ 500 /人既OMAKASE，一共有六道菜式首先有頭盤：由左至右，分別係日本芥蘭，帶子裙邊，海膽豆腐日本芥蘭好爽脆，配上芥末，令人開胃;帶子裙邊同樣爽口;海膽豆腐好特別，豆腐上配有海膽同菊花片，唔腥而且嫩滑，仲齒頰留香。第二道菜 - 沙甸魚刺身師傅（老闆）介紹要將沙甸魚卷住伴上既蔥花同姜蓉，本身沙甸魚刺身味道較淡，同蔥花，姜蓉一齊食提升左渠既鮮味。第三道 - 刺身拼盤師傅介紹先後進食既次序，分別係(a)紅衫魚，(b)赤背，(c)池魚，(d)魷魚海膽卷，(e)三文魚(頸)，(f)拖羅，配上自家生磨WASABI紅衫魚同赤背新鮮彈牙; 池魚用上熟成3日做刺身，肉質鮮嫩好多;魷魚海膽卷特別於內層卷上左紫蘇葉，先有海
OMAKASE即係廚師發辦，可以話係日本其中一種既飲食方式，你諗唔到食咩？唔緊要，廚師會幫你諗，一般係香港食既OMAKASE都偏貴，而今次到呢間位於西環既「神川」就主打平民路線喲！你講低你既BUDGET，廚師再為你發辦。
小店不大，座位幾枱，怕冇位既可以早小小黎
我就試左$ 500 /人既OMAKASE，一共有六道菜式首先有頭盤：
由左至右，分別係日本芥蘭，帶子裙邊，海膽豆腐
日本芥蘭好爽脆，配上芥末，令人開胃;
帶子裙邊同樣爽口;
海膽豆腐好特別，豆腐上配有海膽同菊花片，唔腥而且嫩滑，仲齒頰留香。第二道菜 - 沙甸魚刺身
師傅（老闆）介紹要將沙甸魚卷住伴上既蔥花同姜蓉，本身沙甸魚刺身味道較淡，同蔥花，姜蓉一齊食提升左渠既鮮味。第三道 - 刺身拼盤
師傅介紹先後進食既次序，分別係(a)紅衫魚，(b)赤背，(c)池魚，(d)魷魚海膽卷，(e)三文魚(頸)，(f)拖羅，配上自家生磨WASABI
紅衫魚同赤背新鮮彈牙; 
池魚用上熟成3日做刺身，肉質鮮嫩好多;
魷魚海膽卷特別於內層卷上左紫蘇葉，先有海膽香，繼有紫蘇葉之甘，配搭清新;
三文魚厚身，極為肥美;
拖羅則選用熟成7日，入口即溶，一塊唔夠喉！第四道 - 南瓜，薯仔沙律
唔好以為簡單，實際上係師傅手打薯蓉！沾上小小燒汁食，清清淡淡作為過渡食熱盤既一道菜第五道 - 豚肉捲
內裡卷有竹筍，炸得剛剛好，豚肉同竹筍豐富口感第六道 - 竹籤魚
平時食秋刀魚多，竹籤魚真係較少吃，配上帶柚子味既醬油，魚肉不腥，肉質緊緻，沾上微酸既醬油，以及魚皮面既焦香，就算不愛吃魚既人也會多吃幾口第七道 - 三文魚卷配上三文魚籽
非常焾身，食落口後材料皆融為一體，唯一覺得壽司飯過於焾，所以有炸天婦羅粒伴碟 第八道 - 豆腐芝士蛋糕
最後一道，甜品係豆腐芝士蛋糕，都係小店自家制，食落去淡淡的豆腐香，為今日畫上完美既句號。香港人生活上乜都要快，就連食飯都急急腳食，想坐低慢慢嘆既話，「神川」係唔錯既選擇，食物質素唔錯，OMAKASE又一道一道菜咁慢慢上，同知己/閨蜜/另一半慢慢吹水食飯既好地方。
Post
