船長意法日餐廳 (Closed)

去元朗探完朋友既bb，開心玩左一日之後，地頭蛇朋友帶左我地去附近既平靚正平民西餐。門面同餐牌都非常繽紛，唔怪得吸引左附近甘多家庭客啦。店內環境非常熱鬧，好多小家庭同年輕人用餐。食物種類好多，日式中式西式都有，十分豐富，每樣價錢都好親民，幾十蚊有交易。我地一行四人睇下睇下，都點左十多款。當中值得推介既有4款。《水手煲仔咖哩牛筋腩》小小既店，但出品有誠意，滿滿既牛筋腩唔係用碟上，而係用煲仔上。煲仔可以保持咖哩既熱力，令到入口更惹味。牛筋腩好嫩滑，吸引哂所有咖哩汁既精華好入味，香濃惹味。配送既印度薄餅，煙韌有咬口，點咖哩一流，連小朋友都好鍾意。《蜜燒柚子雞翼》雞翼一客五隻，十分足料。火喉控制得好好，雞肉熟透但保持到嫩滑。表面沾滿蜜糖同特製既柚子醬，好香甜，愈食愈想食，停唔到口。《椒鹽魷魚鬚》即炸熱辣辣，非常新鮮。用隔油網隔走哂所有多餘既油分，令到炸物非常香脆，入口無油憶味。炸粉唔太多，唔會影響口感。裡面既魷魚鬚好粗，好有咬口，味道鮮甜有魚味，又一小朋友最愛。《白酒煮珍珠蜆》估唔到店仔細細，竟然連白酒煮珍珠蜆都有得賣。白酒味好濃郁，汁底有少少杰，好creamy，同傳統西餐廳有少少不同。蜆肉好多