餃嘢 (Closed)

荃灣收工想食湯餃，同事推介呢間就行過去試吓，想講佢超抵食，餃子10隻加兩個小食，再加杯嘢飲，都只係$63 ，我點咗豬肉白菜餃同豬肉冬菇餃，全部都即叫即煮，清湯關東煮，味道非常清甜飲完唔口渴，平時食餃子多數係中式清湯加生菜，好少有用關東煮做湯底，白蘿蔔浸得十分入味，又稔又好食，主角餃子每隻都好足料大隻，吸左啲湯更juicy，冬菇餃好香，小食我嗌左蒜香雞翼同醃漬鵪鶉蛋，雞翼惹味可口，好少見出邊有鵪鶉蛋食，鹹鹹地酸酸地，幾開胃，推薦大家可以試吓，飲品必叫生椰奶茶，香滑濃郁奶香，質感smooth，下次再試羊肉餃👍