BuBu燒麻辣燙

Open Now

Now Closed

星期六晚嚟到油塘搵野食，本身諗住去返平時去開嗰間打邊爐，但發現隔黎新開咗間食串燒同麻辣燙嘅舖頭決定試吓，舖頭食物選擇種類都幾多，整體黎講好食、份量多，性價比高，而且有唔少特色嘢係出面少有食到嘅，都幾surprise👍🏻叫左燒牛舌($20/串)、翠肉瓜($10/串)、司華力腸($18/串)、雞腎($15/串)、韮菜($15/份)、羊架($68/2件)、脆炸地瓜條($24/份)、煙肉車厘茄($20/串)、同埋一碗麻辣燙，當然啤酒就唔少得啦！🍻全部串燒都可以揀辣同唔辣，不得不讚嘅係燒牛舌非常好食，厚切嘅牛舌爽口得嚟又夠juicy，之後忍唔住再叫多咗兩串，地瓜條都炸得好香脆，好味得嚟又唔會覺得油😋麻辣燙有好多配料可以揀，我地揀左萵荀、鵪鶉蛋、魷魚、芝士腸，麵底就揀咗烏冬，辣度揀左小辣，第一次食麻辣燙乾撈，比起出面食嘅味道好唔同，好好味，勁足料😋燒羊架一嚟到已經被佢嘅巨型size嚇親，大件得嚟肉質係出奇地嫩👍🏻另外值得一提嘅係，呢間小店嘅自家製冬瓜檸檬茶係好清甜，仲要係無添加糖份，埋單嗰陣忍唔住要買多兩支返屋企飲😋😋下次一定會再嚟幫襯👍🏻👍🏻