Video
Read full review
2018-08-23
318 views
灣仔嘅越南餐廳有好幾間，但要數最親民最貼地嘅一定揀Pho 778，幫襯咗幾次，食物水準keep到之餘，價錢又唔貴，啲員工仲好nice! 生牛肉河：佢嘅安格斯牛肉好新鮮，肉味好濃，而且帶有藥材味嘅牛骨湯上檯嘅時候熱辣辣，河粉亦都要讚，好滑唔會「碎濕濕」，唯一要挑剔嘅就係份量小咗啲，叫正常份量唔夠飽！香茅豬扒撈檬：水準之作，豬扒即叫即炸，上檯嘅時候仲係熱辣辣嘅，而檬粉個汁簡直就係神級之作，聽店員講撈檬汁係店家自己做調較嘅，酸酸微辣，好惹味！小食：試咗蝦餅同網絲春卷，春卷真係好脆好香口，配埋個汁真係好好食！可能係春卷真係太好食嘅緣故，顯得蝦餅有點平凡，不過都幾好食！飲品：薏米水，幾好飲，清甜又解渴，連同行嘅小朋友都搶住飲！題外話，女店員真係好貼心，我地食完無即刻離開而選擇坐多陣傾計，佢幫我地收晒啲碗碟等我地可以慢慢坐，服務一流，抵讚！
生牛肉河：佢嘅安格斯牛肉好新鮮，肉味好濃，而且帶有藥材味嘅牛骨湯上檯嘅時候熱辣辣，河粉亦都要讚，好滑唔會「碎濕濕」，唯一要挑剔嘅就係份量小咗啲，叫正常份量唔夠飽！
香茅豬扒撈檬：水準之作，豬扒即叫即炸，上檯嘅時候仲係熱辣辣嘅，而檬粉個汁簡直就係神級之作，聽店員講撈檬汁係店家自己做調較嘅，酸酸微辣，好惹味！
小食：試咗蝦餅同網絲春卷，春卷真係好脆好香口，配埋個汁真係好好食！可能係春卷真係太好食嘅緣故，顯得蝦餅有點平凡，不過都幾好食！
飲品：薏米水，幾好飲，清甜又解渴，連同行嘅小朋友都搶住飲！
題外話，女店員真係好貼心，我地食完無即刻離開而選擇坐多陣傾計，佢幫我地收晒啲碗碟等我地可以慢慢坐，服務一流，抵讚！
Post