金屋泰國菜館

Open Now

Now Closed

夜晚同friend去咗食荃新天地2期對面嘅「金屋泰國菜館」，餐廳環境都幾整潔，價錢親民～鮮蝦扎肉米紙卷🦐賣相猶如一個小園圃，米紙非常煙韌，雖然餐牌冇寫到，但係原來入面加咗芒果，芒果令米紙卷更加香甜開胃👍鮮蝦炒金邊粉🦐食泰國菜經常會點炒金邊粉，金邊粉炒得乾爽唔會油淋淋，蝦肉爽口，味道不俗。泰式煎蠔餅🦪上菜嗰陣就聞到香噴噴嘅味道，蠔餅煎得金金黃黃，下面有啲芽菜仔，單睇表面就已經見到好多蠔仔，雖然唔係好大隻，但係勝在飽滿而且份量多，蠔餅都幾重蒜味🧄泰式甜品🇹🇭餐廳門口有一個甜品櫃，食緊嗰陣不時都見到有人嚟買甜品外賣，原來真係幾好食！我特別鍾意椰汁大菜糕，食落非常清爽，而且有真材實料嘅椰子肉，難怪有唔少人嚟買甜品，如果有機會經過都會再買嚟食！龍眼冰新鮮炸起嘅蝦片特別好食！