陶園燒臘飯店 (Closed)

行過佐敦見到一間街坊燒味店就決定今晚斬料都好喎人小小就咁叫左燒鵝，但係見到佢啲燒腩仔咁靚，熱辣辣咁就決定叫埋。見到咁靚真係有衝動想即刻開個外賣盒食返件，但係疫情關係都係注重衛生啲好。返到屋企洗完手即刻試食一舊先，啲燒鵝好Juicy，係要一啖連埋皮食咁先正，又唔係好多肥膏既燒鵝，d肉味好有鵝香味，燒鵝有配一包豉油，但我覺得夠味唔需要加都得。燒腩仔好靚，五花腩位，一層肉一層小肥膏，卡啦卡啦咁樣，一啖食晒又係正，買完之後行左陣先返屋企都成三個鐘，但係皮仲keep到脆，唔講咁多啦煲飯先，送飯一流不得不讚呢類既街坊店舖，價錢平民實惠，加上服務態度一流，令你有種等外賣都唔覺得等緊外賣既感覺。老闆同侍應都同d客有講有笑，可能熟客關係。但係等緊外賣既時間，有客人問二人份量應該買幾多，侍應都好老實咁回答，過磅多得濟都要求換個舊，好睇得出真係用心對待客人，而唔係一買一賣咁簡單既感覺。雖然短短逗留10分鐘，但都感受到佢地既人情味。