小草十八怪

Open Now

Now Closed

小草十八怪，唔只個名怪，食物又真係幾有創意，但又唔係全部都古靈精怪，有啲係平常都會食到嘅飯麵，但又用心加啲唔用嘅好材料，令菜式與別不同，重點是價錢，多數都係$100之下，超抵食！創意的有：榴槤豆乳米線配酸木瓜醬 $68榴槤豆乳與米線是分開上，嗰碗榴槤豆乳真係好香榴槤味，如果鍾意食榴槤嘅人，呢碗汁夾乜嘢都會鍾意食，米線放落去，充滿榴槤香之外，更加滑！喺線上面仲有啲脆粒及木瓜醬，層次很豐富。蒜蓉金菇粉絲奄仔蟹荷葉飯 $98特別強調用荷葉做飯，平時都好少食得到有質素的，仲要加隻奄仔蟹，呢個飯好滋味！羊肉串 $26香，唔羶，好食。燒韭菜 $18燒得好，爽口。自己攞清水，冇接觸下單，上菜有效率，環境乾淨舒服。