Video
Read full review
2023-12-28
349 views
呢間餐廳若你要體驗餐飲業嘅experience 尤其差 可謂伏中之伏 所以呢間餐廳真係好厲害 令到我從來只寫好評嘅人都可以叫得郁我寫差評 👍🏻本人特意聖誕佳節光顧 預先OpenRice訂位，真係有趣，食物都未享用到齌book位就已經叫你要full pay收埋錢(未去未食就全數paid) 咁響menu 就揀咗個前菜沙律，主菜威靈頓牛 餐湯加個甜品咁 兩人份 盛惠$798 （重申已full paid)咁滿心歡喜啦，等到聖誕日當晚去啦，一心係諗住期待個威靈頓牛 已經冇預上去個地方打唔打卡 真心上到去真係黑漆漆嘅因為夜晚去個環境實黑 呢間要影靚相打卡嘅 呢啲就真係日頭做 但真心我去呢間真係為食嘢嘅同埋做餐飲業嘢食好食是必須的！是常識吧！but…..上到去地方係大，亦都明明多枱 人客亦都好少 員工就得嗰兩個 預先book咗都硬係要安排我哋去啲逼狹面壁自閉細枱 （嗰個空間，仲要原先已經後邊有兩枱人迫埋一齊 計埋我哋三枱迫埋一齊🙄明明出邊地方空間大的是位又多的是）唔緊要，後期request 轉左位都算 Waa但啲食物就真係經典了!!!兩前菜送到第一眼目測已經擺盆兩各不同，內心已經覺得怪怪哋同礙眼了
本人特意聖誕佳節光顧 預先OpenRice訂位，真係有趣，食物都未享用到齌book位就已經叫你要full pay收埋錢(未去未食就全數paid) 咁響menu 就揀咗個前菜沙律，主菜威靈頓牛 餐湯加個甜品咁 兩人份 盛惠$798 （重申已full paid)
咁滿心歡喜啦，等到聖誕日當晚去啦，一心係諗住期待個威靈頓牛 已經冇預上去個地方打唔打卡 真心上到去真係黑漆漆嘅因為夜晚去個環境實黑 呢間要影靚相打卡嘅 呢啲就真係日頭做 但真心我去呢間真係為食嘢嘅同埋做餐飲業嘢食好食是必須的！是常識吧！but…..
上到去地方係大，亦都明明多枱 人客亦都好少 員工就得嗰兩個 預先book咗都硬係要安排我哋去啲逼狹面壁自閉細枱 （嗰個空間，仲要原先已經後邊有兩枱人迫埋一齊 計埋我哋三枱迫埋一齊🙄明明出邊地方空間大的是位又多的是）唔緊要，後期request 轉左位都算 Waa但啲食物就真係經典了!!!
兩前菜送到第一眼目測已經擺盆兩各不同，內心已經覺得怪怪哋同礙眼了 個薯仔沙律，面頭搭着一大舊粉紅色嘅長方厚體肉，真心觀感真係好唔夾，目測真係好似燒肉 個口感食落仲似燒肉 嗰嚿咁嘅四方體大肉媽呀救命原來就係Menu上面寫嘅火雞胸肉 omg are u kidding me??🙄 主菜來了個威靈頓牛 嚟到真心個落差大得很！！好老實如果身為一個廚師拎一件咁樣嘅威靈頓牛出嚟話俾個客聽係威靈頓牛 除咗侮辱咗客人嘅智慧之外，身為廚師嘅你情何以堪啊？你收得客人呢個價位但俾啲咁嘅素質嘅食物，若我係廚師，我都唔好意思擺碟咁嘅嘢俾客食 大佬救命，個威靈頓牛完全係好似雪藏急凍貨色，感覺完全唔係煮出嚟唔係焗出嚟極其限定只能夠講係叮翻出嚟 完全乾身一舊冇汁冇盛 用廉價嘅煙肉包內餡 啲伴碟永遠就好似兒童餐咁 兒童餐都好食過佢 伴碟嗰三粒嘢加一大批薯蓉 （不要忘記個前菜已經係個極多薯粒嘅薯仔沙律，基本上個沙律剩係得薯仔切粒 個主菜又係薯蓉伴！what？平價料你收我$798 冇事嘛？）望住伴碟薯蓉面嗰三粒嘢，你就會覺得係廚房明顯冇食材，而夾硬鋪啲色咁 陰公粒車厘茄都係割半粒俾你咋，連個甜品都唔得㗎！絕 ！最班門弄斧故弄玄虛係個甜品 簡直係fake人 個Menu寫住宇治丸久小山園龍膽抹茶芝士漢堡 同 法式反烤玉桂蘋果批 哈哈哈，真心吹脹，你個甜品寫到咁你完全係誤導個客人令到個客覺得以為真係一個芝士漢堡包！嚟到點知其實係一Pat抹茶泡芙一個！咁使鬼講得咁刁鑽乜嘢芝士漢堡？ 個肉桂蘋果批本人誤以為係熱食嘅甜品，嚟到拮落去嗰吓再咬落去嗰吓明顯係冰箱攞出嚟，面頭陣霜雪都仲未溶解凍冰冰一嚿凍餅 咬面頭嘅嗰陣so called蘋果批你好似咬緊刨冰冰雪咁
全晚中肯講句，真係得個蒜蓉包同個蘑菇湯食得落肚 陰公 無論擺盤視覺上同食感收得呢個$798價位嘅前菜、個main & dessert 一啲都對唔得住個價位 價錢跟食物水準不相符 大相逕庭 簡直就好似煮飯仔home food 咁
呢間餐廳橫看掂看也不會係值五星食物質素 停留喺三流旺角上樓Cafe質素蒙混上環地段貌似靚裝酒吧而已 完全冇食物可言 注場嘅員工就好似得嗰一兩個 對於餐飲業應對客人green到尤如臨時拉夫幫手一樣 By the way 敬請貴餐廳注意你們餐具嘅衛生清潔please🤢呢個真係好緊要🤮
Post