Tom Bar & Grill (Closed)

這次是一時興起去幫襯，諗住星期五晚同老婆食好D，點知失望而回。先不提我太太點的套餐，我個人是選了他們最貴的套餐，要成500大元。有凱撒沙拉配蝦，香煎鵝肝，龍蝦湯，扒大蝦配A5澳洲和牛，餐飲。Ok，除了沙拉外，其他都好麻麻，只可說是茶餐廳水準，完全不值。鵝肝不香不脆，除了脂肪感，其實唔覺自已吃緊鵝肝。龍蝦湯是煲燶了的，從沒有試過那麼差的龍蝦湯。同佢講，佢竟然話龍蝦係要燶燶地，我地直到呆左。好彩佢最後都肯換個Mushroom Soup俾我地。主菜扒大蝦A5和牛，結果也是失望之作，完全冇牛肉味，又不䭃，仲俾漏了隻大蝦給我，只可惜我沒有當場發現，現在覺得他們好搵笨。服務方面，好壞參半，要多輪麵包都唔俾，但也有主動送甜品。整體而言，實在不應去，否則會收騙的。