Video
Read full review
2022-06-03
359 views
近呢幾個月成日喺網上見到一啲post話可以加入蚊任食甜品嘅Cafe，就特登上嚟試吓。首先要講下個環境。呢個Cafe係一間舊樓入面。雖然有lift, 但係就寫到明去唔到2樓。樓梯又黑又污糟。如果唔識路去咗後樓梯行上去嘅話仲衰，又臭又有垃圾同蚊蟲。行上去嘅時候已經猶豫緊好唔好走。但因為約咗朋友，咁冇理由最後一分鐘先改地方，同埋見咁多好評，都應該俾個機會佢就硬着頭皮繼續去。雖然網上嘅post就話冇限時，但店員不斷強調因為有Booking (已經一個月前book枱)，一定要90分鐘交枱。仲會不停咁提醒你。你book枱嘅時候已經提左兩次。去到攞位嘅時候再提多幾次。坐低冇耐已經叫我哋快啲落單，因為要趕住還枱。不過佢哋都係有禮貌咁樣提。所以都冇咩hard feeling. 只不過如果係諗住可以坐耐啲同朋友慢慢食嘢傾偈嘅話,呢度絕對做唔到。叫咗個carbonara同埋aglio olio. Carbonara正常。賣相亦都唔錯。份量中規中矩，唔會話特別飽，但未至於食完會肚餓。aglio olio 比較辣同埋甜。同傳統嘅西式aglio olio 係兩回事。只要唔好抱住一個傳統西式aglio olio嘅期
首先要講下個環境。呢個Cafe係一間舊樓入面。雖然有lift, 但係就寫到明去唔到2樓。樓梯又黑又污糟。如果唔識路去咗後樓梯行上去嘅話仲衰，又臭又有垃圾同蚊蟲。行上去嘅時候已經猶豫緊好唔好走。但因為約咗朋友，咁冇理由最後一分鐘先改地方，同埋見咁多好評，都應該俾個機會佢就硬着頭皮繼續去。
雖然網上嘅post就話冇限時，但店員不斷強調因為有Booking (已經一個月前book枱)，一定要90分鐘交枱。仲會不停咁提醒你。你book枱嘅時候已經提左兩次。去到攞位嘅時候再提多幾次。坐低冇耐已經叫我哋快啲落單，因為要趕住還枱。不過佢哋都係有禮貌咁樣提。所以都冇咩hard feeling. 只不過如果係諗住可以坐耐啲同朋友慢慢食嘢傾偈嘅話,呢度絕對做唔到。
叫咗個carbonara同埋aglio olio.
Carbonara正常。賣相亦都唔錯。份量中規中矩，唔會話特別飽，但未至於食完會肚餓。
Carbonara
4 views
2 likes
0 comments
aglio olio 比較辣同埋甜。同傳統嘅西式aglio olio 係兩回事。只要唔好抱住一個傳統西式aglio olio嘅期望就得啦。當佢Fusion。有少少泰式或韓式嘅感覺。
Aglio olio with soft shell crab
3 views
0 likes
0 comments
食到中途，大概過咗大半個鐘左右，店員又過嚟同我哋講就快要還枱啦。雖然係可以任食蛋糕，但邊有時間慢慢食啊,最好嗱嗱臨一次過叫晒八款嘅蛋糕試吓味先。其實唔可以話係加$1蚊任食嘅，因為你首先要跟餐，再加一蚊。所以係大概加$49。不過加$49就會有餐湯同埋嘢飲。至於作為一個幾十蚊嘅任食蛋糕，真係冇咩可以挑剔。覺得都唔錯。你求其喺外面嘅大型連鎖餅舖買件蛋糕仔都要二十幾$30啦。最鍾意食佢哋嘅芝士蛋糕。見到好耐之前佢哋有好多唔同種類嘅芝士蛋糕，而家剩係得兩種，有啲小失望。蛋卷有啲太乾，冇咩特別。其他嗰啲都唔錯。
5 views
0 likes
0 comments
用餐時間太過趕，食物嘅味道又未去到難忘，所以應該唔會去第二次。話佢貴，絕對唔係貴，但食物環境同埋質素已呢個價錢又好似有其他更好嘅選擇。埋單每人$192。
餐湯
4 views
0 likes
0 comments
5 views
0 likes
0 comments
Post
