Video
Read full review
2023-10-15
152 views
今次試𝑩𝒖𝒃𝒃𝒍𝒆 𝑻𝒓𝒆𝒆🫧！之前新聞報導觀塘有好多工廈改變用途變咗做餐廳➡️翻譯：工廈收埋咗好多餐廳！最近收到風，聽啲朋友讚呢間唔錯，去完果然一秒愛上😍晚市平價大碗，食材新鮮，煮得一啲都唔馬虎，仲要唔加一，咁嘅良心餐廳邊度搵！❤️✨💯✂︎-----㋖㋷㋣㋷線-----✂︎1️⃣ 瘋狂芝士日本飛驒牛漢堡呢個漢堡果然好瘋狂🤯睇相係咪覺得佢有兩層肉餅？佢得一層咋！又厚又嫩又多汁，一咬落去簡直係肉汁炸彈！個包搽咗牛油，烘完之後勁香🧈除咗香噴噴肉餅同包之外，裏面仲夾住生菜、青瓜、蕃茄，啲蔬菜好新鮮，令個漢堡唔會咁heavy👍🏼份量夠曬足料，大滿足！✅另外，佢哋配嘅薯條好脆，成個set 100蚊都唔使，仲要大份又好食，性價比完勝5 Guys// Shake Shack唔係講笑！🥹🙏🏻2️⃣ 蟹籽•蘆筍 •煙三文魚伴香蒜橄欖油意粉其實嗰日唔係好肚餓，見到餐廳黑版話呢個係Top 3推薦嘅榜首，決定睇下係咪真係咁有料🤨果然上榜首係有原因㗎！佢個擺盤靚到！意粉上面擺咗個裝飾成玫瑰花嘅三文魚，齋睇呢個已經一百分💯蒜頭炒得好香，啲意粉被充滿蒜香嘅橄欖油包裹住，好邪惡！🍝佢嘅配菜都幾好，但我已經俾靚靚三文魚搶走所有注意力🥰
今次試𝑩𝒖𝒃𝒃𝒍𝒆 𝑻𝒓𝒆𝒆🫧！之前新聞報導觀塘有好多工廈改變用途變咗做餐廳➡️翻譯：工廈收埋咗好多餐廳！最近收到風，聽啲朋友讚呢間唔錯，去完果然一秒愛上😍晚市平價大碗，食材新鮮，煮得一啲都唔馬虎，仲要唔加一，咁嘅良心餐廳邊度搵！❤️✨💯
✂︎-----㋖㋷㋣㋷線-----✂︎
1️⃣ 瘋狂芝士日本飛驒牛漢堡
呢個漢堡果然好瘋狂🤯睇相係咪覺得佢有兩層肉餅？佢得一層咋！又厚又嫩又多汁，一咬落去簡直係肉汁炸彈！個包搽咗牛油，烘完之後勁香🧈除咗香噴噴肉餅同包之外，裏面仲夾住生菜、青瓜、蕃茄，啲蔬菜好新鮮，令個漢堡唔會咁heavy👍🏼份量夠曬足料，大滿足！✅
另外，佢哋配嘅薯條好脆，成個set 100蚊都唔使，仲要大份又好食，性價比完勝5 Guys// Shake Shack唔係講笑！🥹🙏🏻
2️⃣ 蟹籽•蘆筍 •煙三文魚伴香蒜橄欖油意粉
其實嗰日唔係好肚餓，見到餐廳黑版話呢個係Top 3推薦嘅榜首，決定睇下係咪真係咁有料🤨果然上榜首係有原因㗎！佢個擺盤靚到！意粉上面擺咗個裝飾成玫瑰花嘅三文魚，齋睇呢個已經一百分💯蒜頭炒得好香，啲意粉被充滿蒜香嘅橄欖油包裹住，好邪惡！🍝佢嘅配菜都幾好，但我已經俾靚靚三文魚搶走所有注意力🥰呢個榜首果然實至名歸👍🏼
3️⃣ 雪糕窩夫
注意‼️‼️‼️佢嘅甜品超驚喜！雪糕嘅雲尼拿味勁香濃🍨同！埋！佢個窩夫係熱㗎！！！佢又熱又脆，一上枱已經聞到佢嘅香味❤️搞唔掂！側邊放咗啲cream，如果三樣一齊食會勁勁勁滿足🥹我真係俾佢震撼到！（結果我食得太投入，冇俾最後一啖俾男朋友哈哈）
4️⃣ 紐約芝士切餅配雪糕球
呢個都唔錯！cheese cake嘅size啱啱好，唔會食到濟曬，加埋雪糕完美結束呢場晚餐！不過珠玉在前，我哋都更鍾意雪糕窩夫hehe🧇
✂︎-----㋖㋷㋣㋷線-----✂︎
呢間餐廳衰在好鬼隱蔽，搞到搵咗下先嚟到🥺但就算係咁，我哋一嚟到已經坐滿曬，食完嘅時候仲有新客入緊座，睇嚟人氣真係幾高❣️同埋侍應態度超nice，超級加分！我宣布呢間係我嘅本月Top 1😎大家都唔好同我爭，我要吃爆！
瘋狂芝士日本飛驒牛漢堡
11 views
0 likes
0 comments
蟹籽•蘆筍 •煙三文魚伴香蒜橄欖油意粉
3 views
0 likes
0 comments
雪糕窩夫
1 views
0 likes
0 comments
紐約芝士切餅配雪糕球
2 views
0 likes
0 comments
Post
