Video
Read full review
2016-04-06
682 views
觀塘工廈餐廳愈開愈多，試極都試唔完。近期人氣之選係Lava Java，皆因佢杯Matcha Latte 抹茶鮮奶確係吸睛，唔少網站都有介紹。今日我黎試晚餐，餐廳空間感好好，燈光充足，環境靜局，令我覺得好舒服。前菜可以揀沙律或餐湯，講到抵食，就一定係呢個「烤雞凱撒沙律」，蔬菜卜卜脆好新鮮，雞胸肉經過煎煮，上面灑滿芝士粉，鹹鹹地好味道。主菜係「鮮帶子卡邦尼扁意粉」($156)，帶子鮮嫰，有D半熟既感覺，意粉夠creamy，而且唔會煮得過腍，加埋鹹香既煙肉食，一流！主菜之二係「法式燒春雞」($188)，外皮焗得香脆，入面既雞肉嫰滑有肉汁，好味。大家注意，因為春雞仲有跟薯菜、飯或意粉，分量頗多，如果唔想做大嘥鬼，就記得叫餐廳減飯。食完飯，雖然已經飽到嘔電，但我受到另一個胃既呼喚，忍唔住叫左個甜品「火山窩夫」($72)，驟眼睇好似無乜特別，外面係一球雪糕同四塊脆卜卜窩夫，但一打開，就會發現入面係一塊烤過既棉花糖，外層焦香，入面完全溶化，勾起我BBQ時既開心回憶呀！另一款甜品係「火山熔岩蛋糕」($52)，其實即是Lava Cake心太軟。用刀一切開，「熔岩」即湧出黎，熱辣辣，香噴噴，朱古力味好香濃
今日我黎試晚餐，餐廳空間感好好，燈光充足，環境靜局，令我覺得好舒服。
前菜可以揀沙律或餐湯，講到抵食，就一定係呢個「烤雞凱撒沙律」，蔬菜卜卜脆好新鮮，雞胸肉經過煎煮，上面灑滿芝士粉，鹹鹹地好味道。
主菜係「鮮帶子卡邦尼扁意粉」($156)，帶子鮮嫰，有D半熟既感覺，意粉夠creamy，而且唔會煮得過腍，加埋鹹香既煙肉食，一流！
主菜之二係「法式燒春雞」($188)，外皮焗得香脆，入面既雞肉嫰滑有肉汁，好味。大家注意，因為春雞仲有跟薯菜、飯或意粉，分量頗多，如果唔想做大嘥鬼，就記得叫餐廳減飯。
食完飯，雖然已經飽到嘔電，但我受到另一個胃既呼喚，忍唔住叫左個甜品「火山窩夫」($72)，驟眼睇好似無乜特別，外面係一球雪糕同四塊脆卜卜窩夫，但一打開，就會發現入面係一塊烤過既棉花糖，外層焦香，入面完全溶化，勾起我BBQ時既開心回憶呀！
另一款甜品係「火山熔岩蛋糕」($52)，其實即是Lava Cake心太軟。用刀一切開，「熔岩」即湧出黎，熱辣辣，香噴噴，朱古力味好香濃，夾住凍冰冰既雲呢拿雪糕食，一熱一凍，簡直係至高無上既享受。
Post
