Video
Read full review
2019-01-15
137 views
觀塘入面一直都有一間係我個List入面想去試，講緊既就係今日食既呢間「魔膳廚房」，係觀塘區超級多好評，亦有聽過朋友講，所以都一直好想黎食，睇下點解咁受歡迎！環境雖然佢都算係工廠工廈區，不過唔係平時我地一定要走入去一座比較舊既工廠，再搭比較舊既電梯，而呢間位於既位置係近APM，只係行上一層樓梯就係，樓梯至門口都有裝飾，餐廳亦頗大，幾多位置。叫左2個Set Dinner Menu(價錢以主菜而定)，包括左餐包餐湯、主菜、餐飲，可以另外加$38任食沙律吧。任食沙律吧 +$38我地有加到任食沙律吧，選擇比較少，總共得8款，有沙律菜、雜果沙律、粟米粒、菠蘿、西瓜、番茄仔等等，我就因為個人喜好食左好多雜果沙律，沙律菜都新鮮。餐包夠鬆軟，上枱微熱，幾重小麥香，作為一個包控，表示十分喜歡呢個麵包！餐湯可以揀紅湯或者白湯，我中意飲白湯當然揀左白湯，不過其實佢都唔係傳統忌廉湯，係粟米忌廉味，都幾Creamy，仲有啲好碎既粟米粒。主菜：烤法式春雞配薯菜跟露絲瑪利汁 $178野食等左比較耐，其他枱既食物都上哂，但我地都未有，呢點要留意下。春雞份量都幾多，以$178黎講其實幾抵食，有半隻雞份量，有4隻脾，2個人
環境
雖然佢都算係工廠工廈區，不過唔係平時我地一定要走入去一座比較舊既工廠，再搭比較舊既電梯，而呢間位於既位置係近APM，只係行上一層樓梯就係，樓梯至門口都有裝飾，餐廳亦頗大，幾多位置。
叫左2個Set Dinner Menu(價錢以主菜而定)，包括左餐包餐湯、主菜、餐飲，可以另外加$38任食沙律吧。
任食沙律吧 +$38
我地有加到任食沙律吧，選擇比較少，總共得8款，有沙律菜、雜果沙律、粟米粒、菠蘿、西瓜、番茄仔等等，我就因為個人喜好食左好多雜果沙律，沙律菜都新鮮。
餐包
餐包
10 views
1 likes
0 comments
夠鬆軟，上枱微熱，幾重小麥香，作為一個包控，表示十分喜歡呢個麵包！
餐湯
可以揀紅湯或者白湯，我中意飲白湯當然揀左白湯，不過其實佢都唔係傳統忌廉湯，係粟米忌廉味，都幾Creamy，仲有啲好碎既粟米粒。
主菜：烤法式春雞配薯菜跟露絲瑪利汁 $178
主菜：烤法式春雞配薯菜跟露絲瑪利汁
$178
22 views
0 likes
0 comments
野食等左比較耐，其他枱既食物都上哂，但我地都未有，呢點要留意下。春雞份量都幾多，以$178黎講其實幾抵食，有半隻雞份量，有4隻脾，2個人食一定夠，雞皮烤到有煙薰味，至於肉質都幾嫩同入味，仲有伴菜蕃茄同煙肉包蘆筍。
主菜：香煎帶子黑松露意大利飯 $178
主菜：香煎帶子黑松露意大利飯
$178
20 views
1 likes
0 comments
面頭有帶子兩粒，夠彈牙，而意大利飯軟硬程度剛好，黑松露味都重，如果再多d帶子就更正！
餐飲：凍咖啡 +$10
餐飲：凍咖啡
$10
15 views
0 likes
0 comments
好濃郁咖啡香，帶點苦澀味，飯後嘆返杯凍咖啡真係一流。
餐飲：玫瑰咖啡(熱) +$5
因為想消膩，所以點杯熱既咖啡，想飲啲特別少少既口味就叫左玫瑰咖啡，有放啲玫瑰花瓣係面做裝飾，聞落有玫瑰味，可惜糖漿落太多啦，成杯都好甜，普通凍咖啡更出色。
特級朱古力心太軟 $58
特級朱古力心太軟
$58
8 views
0 likes
0 comments
特級朱古力心太軟
$58
9 views
0 likes
0 comments
另外單點左一個甜品，賣相十分精緻，除左心太軟，旁邊仲有唔同類型既生果伴碟，有火龍果、青蘋果、士多啤梨等等，心太軟岩岩好，一切即流心，唔會太甜唔會太苦，唔食甜食既人都會食到，如果真係覺得有啲甜，都有伴碟生果解甜，推介！
總括黎講，以西餐廳黎講價錢算平，$200唔洗包餐包餐湯、主菜、餐飲，環境亦坐得舒服，座位都十分寬敞。
附：餐牌參考
Post
