鴨仔冰室 (Closed)

平時喺觀塘通常都係食個快lunch，好少有時間慢慢嘆西餐，不過喺美食廣場入面竟然俾我哋搵到一間平價，優質，仲要出菜時間超快嘅西餐廳，就算得短短一個鐘頭食lunch，都可以享用一個美味嘅西餐！講緊嘅就係呢間有好多鴨仔裝飾品嘅鴨仔冰室Set lunch有湯同飲品同煮食，都係$50起就有交易，以觀塘區黎講超化算！個湯已經感受到好有誠意，唔係好似普通茶餐廳咁用粉開湯，食得出用咗好多蘑菇同忌廉打成嘅西湯，好滑！點估到晏晝都可以歎返個黑松露雜菌飯lunch，超級creamy，啲飯好香口，食到停唔到口牛扒淨係個賣相已經贏晒，個夾萬笑得好靚，仲配左薯條同炸蝦而且肉質都唔錯，以呢個價錢實在超值！