Deer Kitchen (The Wave) (Closed)

之前去荃灣食過Deer Kitchen，見觀塘The Wave原來都有分店，就約埋朋友放工一齊食飯傾吓偈聚一聚。觀塘店都一樣有$10生蠔優惠，可惜去到時唔夠半打，所以食唔到喇。巴馬臣火腿芝士脆片、蜜瓜。火腿同芝士脆片嘅咸、芝士脆片嘅香脆口感、再加埋蜜瓜嘅鮮甜，三者嘅味道好配合。黑松露意大利雲吞。雲吞比想像中大隻，而且好強烈嘅黑松露味。忌廉湯汁夠厚，可以掛到喺雲吞，整體味道唔錯。香煎北海道帶子黃金蟹肉扁意粉一睇個名就知係鹹蛋黃加蟹肉。可能因為鹹蛋黃嘅關係，會覺得扁意粉有少少咸，不過非常之香。帶子好大粒，面頭煎到金黃香脆。焗威靈頓三文魚將牛扒換成三文魚，好似都係近年新興嘅食法。整個焗威靈頓三文魚焗得好好，三文魚無過熟，仍然保持肉質嫩滑。玫瑰白桃梳打淡淡粉紅色，配合埋玫瑰花花瓣碎，感覺有點lady。味道清香，都好好飲。海洋梳打一杯藍色嘅特飲，所以會叫海洋梳打。柚子味同藍桔配合梳打都幾清新，配合紅肉應該都唔錯。