翔龍拉麵小籠包 (Closed)

於觀塘亞太中心晚飯時段搵食，成座都係食肆，今日想食小籠包，揀咗3樓翔龍。 店內有一些卡位，今晚多人，只可以被安排坐二人枱。好肚餓，一口氣叫咗五款食品，原來叫咗幾款都是辣的，雖然店員有推介豆苗($88)，但覺有啲貴冇叫。四川蒜泥白肉，大量蒜蓉配大量辣椒，好辣呀，青瓜薄片同腩肉薄片夾埋一起吃。酸辣湯，有點失色，唔夠酸且辣味太濃。小籠包(六隻)，分兩籠上，這個最好吃，皮薄餡靚，湯汁美味。京蔥牛肉絲撈麵(連一碗雞湯)，只見洋蔥不見大蔥，炒得好好味，麵也爽口。紅油抄手，最後先上，八大隻雲吞，呢個唔算太辣。提提大家，這裏只收現金。