Deer Kitchen (The Wave) (Closed)

Deer Kitchen之前嚟都係食佢個靚靚打卡Tea Set，今次同大少落開觀塘玩，咁就嚟就食個豐富lunch啦！餐廳環境係舒服嘅，不過今次我地又晏左嚟，坐唔到鳥籠大少係有少少失望，不過坐舒服嘅梳化位一樣唔錯嘅~今日我地就叫左兩個Lunch Set，每個set包餐湯/沙律同蒜蓉包，而且仲可以加配添~我地就叫左一份沙律、一個煙肉薯仔忌廉餐湯，當然唔少得蒜蓉包~餐飲就嚟左杯凍檸茶，另外大少就加錢叫左杯特飲Strawberry Garden，話有士多啤梨、青檸同梳打，好飲又足夠消暑~我嘅主菜就係 威靈頓雞圈釀芝士火腿 ，我覺得係唔錯嘅，威靈頓雞圈焗出嚟唔會好鞋物，而且加埋流心芝士一齊食，好有口感。另外唔好忘記底鋪嘅紫薯，滑口得嚟又夠很薯香，整體係好好味~大少嘅主菜係千島醬燒菠蘿芝士牛肉漢堡配薯條，原片燒菠蘿加埋大片牛肉漢堡，咬落juicy有肉汁，而漢堡仲配上番茄、生菜同芝士，食落口會太乾，好啱大少口味哦~我地最後仲加配左一份藍莓芝士蛋糕，夠溝身得嚟甜度適中，食完一件都不會太膩~