魔膳廚房 (Closed)

鄰近APM 商場的工廈西餐廳，從觀塘地鐵站B出口步行，大概三分鐘就直達餐廳，非常方便。餐廳地方闊落寬敞，店內有2間VIP ROOM可以book，適合大型聚會。場內亦有兩個projector播放不同的卡通片， 適合一家大細一齊過嚟聚餐。 裝修帶些許文藝色彩，牆身掛有不同的油彩畫。餐牌上無論小食、沙律、主食、肉類、甜品都相當多元化，令人目不暇給。餐廳有一個自助沙律吧，加hkd $38就可以任食沙律吧，非常有賣點。沙律吧有：沙律菜、粟米、西瓜、車厘茄、螺肉、帶子裙邊、中華沙律，啫喱糖等等，多不勝數。沙律醬有三款：芝麻醬、黑醋、千島醬。適合唔同人嘅口味，亦可先充充肚子。隨餐附送的包非常鬆軟、軟熟，酸酸辣辣的羅宋湯亦特別開胃，很足料。墨西哥香辣豬肋骨配芝士焗瘋薯(hkd $178)豬肋骨size非常大，面層淋上墨西哥香辣秘製醬汁，豬肋骨燒得外脆內軟，好香口，肉質依然保持軟腍嫩滑，醬汁香香辣辣亦能提升豬肉的味道，食落好滿足。伴菜還有芝士焗瘋薯、黑醋沙律菜、燒菠蘿，賣相相當豐富。焗薯角内裹有雜菜及煙肉粒，配上芝士一起焗，非常滋味。香煎帶子黑松露意大利飯(hkd $168)兩粒帶子都煎得香香，很軟熟。