本

Open Now

Now Closed

新開業嘅Honbu本係boon嘅姊妹店，上次食過同樣位於觀塘嘅boon覺得好正，所以都要即刻嚟試吓~裝修係木系嘅設計，仲設有戶外露台位置。户外有大風扇吹住，即使係夏天都坐得幾舒服😌蟲草花蘑菇忌廉雞湯$58中西合璧嘅配搭，非常之有創意～入面嘅蘑菇碎雞茸口感特別，仲配有牛油脆多士。大頭蝦意大利麵$148大頭蝦完整一大隻，賣相一流！意粉煮得軟硬適中，而且好掛汁，配上酸辣口味嘅茄汁，味道有少少似pizza味薯片，好開胃惹味！醉烤三黃雞$168味道勁香，有濃烈嘅花雕酒香味，但係食落口又唔會好大浸酒味。烤焗後顏色金黃，店家仲好貼心提供手套🧤可以直接落手撕嚟食，雞肉嫩滑唔會鞋，值得推薦❤️香蕉朱古力花生醬忌廉千層窩夫酥$68結合窩夫同埋牛角酥，食落好酥脆！配上朱古力醬、花生醬忌廉同埋焦糖香蕉🍌真係超級邪惡啊！菠蘿乳酪沙冰$58士多啤梨乳酪沙冰$58夏天熱死辣辣最適合飲沙冰，感覺飲極都仲有好抵飲😂果味濃郁，口味清爽，仲帶有乳酪嘅味道。