Video
Read full review
2022-06-27
354 views
呢日放工餓住個肚趕去觀塘工廈陪朋友買camping gear，shopping完之後嗱嗱聲喺附近搵地方醫肚，見到呢間冰室新簇簇，望落光猛企理，有小炒、雞煲同烤魚食，入去試試先🔸蜜椒薯仔牛柳粒 啖啖肉冇骨嘅好選擇都幾大碟，分量十足牛柳粒夠淋，夠入味薯仔可以再脆皮啲仲吸引🔸漁香茄子煲賣飛佛，每次到未去過嘅中餐廳都會叫嚟試吓佢哋嘅水準《六和》嘅魚香茄子煲熱辣辣咁上檯，聽到咋咋聲之餘，個煲仔熱到啲汁係咁彈出嚟 😲😲茄子🍆爆過鑊，保持靚靚嘅紫色，肉粒同鹹魚粒漁香味👍🏻，油膩感唔重，送飯一流水準中上～🔸川醬炒田雞呢個係店員介紹㗎，我都唔記得自己有幾耐冇食過田雞，見係推介，叫嚟試吓先小炒夠鑊氣嗰川醬汁好惹味田雞髀啖啖肉，食得好滋味有部份位置炸到脆卜卜，連骨都食埋～推介俾鍾意食田雞嘅朋友 🙌🏻🔸鹹菜胡椒豬雜湯陣胡椒味啱啱好(有啲地方陣胡椒味會太搶，太辣喉)除咗有豬雜: 肥腸、粉腸、潤、豬肚; 仲有幾片滑滑嘅厚切豬肉片叫咗細啲嘅份量，點知都一大鍋，仲要落足料，結果打咗包，第二日lunch叮翻熱嚟飲，公司嘅同事個個走埋嚟睇吓乜嘢胡椒味咁香！😏😏呢到嘅小炒唔錯，而且上菜速度超快，鑊氣十足！環境光猛，空間感大
🔸蜜椒薯仔牛柳粒
啖啖肉冇骨嘅好選擇
都幾大碟，分量十足
牛柳粒夠淋，夠入味
薯仔可以再脆皮啲仲吸引
🔸漁香茄子煲
賣飛佛，每次到未去過嘅中餐廳都會叫嚟試吓佢哋嘅水準
《六和》嘅魚香茄子煲熱辣辣咁上檯，聽到咋咋聲之餘，個煲仔熱到啲汁係咁彈出嚟 😲😲
茄子🍆爆過鑊，保持靚靚嘅紫色，肉粒同鹹魚粒漁香味👍🏻，油膩感唔重，送飯一流
水準中上～
🔸川醬炒田雞
呢個係店員介紹㗎，我都唔記得自己有幾耐冇食過田雞，見係推介，叫嚟試吓先
小炒夠鑊氣
嗰川醬汁好惹味
田雞髀啖啖肉，食得好滋味
有部份位置炸到脆卜卜，連骨都食埋～
推介俾鍾意食田雞嘅朋友 🙌🏻
🔸鹹菜胡椒豬雜湯
陣胡椒味啱啱好(有啲地方陣胡椒味會太搶，太辣喉)
除咗有豬雜: 肥腸、粉腸、潤、豬肚; 仲有幾片滑滑嘅厚切豬肉片
叫咗細啲嘅份量，點知都一大鍋，仲要落足料，結果打咗包，第二日lunch叮翻熱嚟飲，公司嘅同事個個走埋嚟睇吓乜嘢胡椒味咁香！😏😏
呢到嘅小炒唔錯，而且上菜速度超快，鑊氣十足！
環境光猛，空間感大，有大量卡枱
一邊牆壁選用香港特色街景做牆紙
另一邊牆就以香港冰室，茶餐廳作設計主題，好有親切感
用膳期間見到隔離枱嘅”招牌吊燒骨”幾吸引，下次去完camping shop ‘巡舖’ 又可以再嚟試吓，又或者可以試吓佢嘅雞煲 or 烤魚都好喎～
Post
