Video
Read full review
2024-11-05
806 views
大概喺兩年前左右嚟過呢到食下午茶，覺得啲甜品都幾高質，偶爾發現佢轉咗Menu，夜晚就做fine dining。當然唔係話好傳統嘅fine dining，但係感覺到每道餐點都認真諗過，同埋擺盤都相當精緻。見佢定期都會換下menu，好有心機。‣ 鼠尾草青提紅酒醋梳打梳打就連埋前菜一齊上，醋嘅味道唔會話好濃烈，入口都好溫和，再加上梳打帶嚟嘅刺激感，好似幫你打開咗個味蕾咁樣，整體平衡得唔錯。‣ 48 個月風乾火腿配蜜瓜果凍；冧酒車厘子鵝肝慕絲；火炙日本甜粟忌廉芝士撻配鵪鶉蛋第一下食咗個忌廉芝士撻先，鵪鶉蛋上面仲有少少嘅魚子醬，因為搭配忌廉芝士，所以口感相當豐富。而個火腿超級香，唔好睇佢好似細細塊咁，入口嘅時候都幾霸道，成個口腔都係佢浸味。如果冧酒車厘子鵝肝慕絲嘅鵝肝一啲都唔腥，好濃郁嘅鵝肝味，我好鍾意最後咬爆個車厘子一齊食，將成個鵝肝嘅鮮味都突顯咗出嚟。‣ 椰絲牛油果蜜瓜凍湯牛油果味都好重，而每一啖你都飲到蜜瓜嘅味道，而好得意嘅係因為蜜瓜係我認知入邊都係好甜嘅生果，但呢一道湯係一道鹹湯，覺得帶比我嘅衝擊同埋新鮮感都幾大。‣ 干邑龍蝦濃湯龍蝦湯相當之濃郁，我都幾鍾意龍蝦湯嘅濃稠度，中間仲有兩嚿蝦
‣ 鼠尾草青提紅酒醋梳打
梳打就連埋前菜一齊上，醋嘅味道唔會話好濃烈，入口都好溫和，再加上梳打帶嚟嘅刺激感，好似幫你打開咗個味蕾咁樣，整體平衡得唔錯。
‣ 48 個月風乾火腿配蜜瓜果凍；冧酒車厘子鵝肝慕絲；火炙日本甜粟忌廉芝士撻配鵪鶉蛋
第一下食咗個忌廉芝士撻先，鵪鶉蛋上面仲有少少嘅魚子醬，因為搭配忌廉芝士，所以口感相當豐富。而個火腿超級香，唔好睇佢好似細細塊咁，入口嘅時候都幾霸道，成個口腔都係佢浸味。如果冧酒車厘子鵝肝慕絲嘅鵝肝一啲都唔腥，好濃郁嘅鵝肝味，我好鍾意最後咬爆個車厘子一齊食，將成個鵝肝嘅鮮味都突顯咗出嚟。
‣ 椰絲牛油果蜜瓜凍湯
牛油果味都好重，而每一啖你都飲到蜜瓜嘅味道，而好得意嘅係因為蜜瓜係我認知入邊都係好甜嘅生果，但呢一道湯係一道鹹湯，覺得帶比我嘅衝擊同埋新鮮感都幾大。
‣ 干邑龍蝦濃湯
龍蝦湯相當之濃郁，我都幾鍾意龍蝦湯嘅濃稠度，中間仲有兩嚿蝦增加個湯嘅口感。而如果你細心品嚐嘅話，都真係確實飲到干邑酒香，將個湯都提升咗一個層次。
‣ 紅花西班牙海鮮飯 $398
加入嘅湯底都係好濃郁嘅龍蝦湯味，但係同餐廳稍稍有啲唔同，聞落已經覺得好香。而一上去就見到大大隻鮑魚，好欣賞餐廳有認真處理過個鮑魚，食得出好新鮮同埋一啲都唔敷衍你。其他仲有虎蝦、魷魚同蜆，相當豐富嘅海鮮飯。而我都幾鍾意啲飯粒嘅口感，濕潤得嚟唔糊，又唔會硬。
‣ 咖啡香料烤澳洲M5牛腹扒伴煙肉芝士玉米餅 $488
煙肉芝士玉米餅都幾得意，口感都幾鬆軟，平時食開薯仔，所以新鮮感都幾大。而今次我都係嗌咗medium，一上枱嘅時候就覺得啲肉燒得相當之靚，食得出牛嘅香味，而牛肉嘅質感都相當細嫩，你就咁睇個樣都睇得出。我覺得呢一個主菜真係必嗌，食落口嘅時候會覺得好impressive。而醬汁主要都係以荷蘭醬做底，但係我覺得就咁食已經好正。
‣ 朱古力紅桑子開心果脆脆；薰衣草薑檸啤；青檸椰子薄荷意式沙冰
甜品冇分先後次序，不過我自己就食咗個沙冰先，雖然都幾重青檸同埋薄荷味，但係唔會覺得好酸或者好甜，平衡得好好。而薰衣草薑檸啤就真係好重薰衣草味，但係有咗薑檸啤嘅刺激感，又係清口腔嘅小幫手。而我最鍾意嘅都係開心果脆脆，我覺得最滿意嘅係佢寫得出三種食材，你食落口嘅時候三種食材嘅味都會食得到，咁我覺得已經超晒班，而且本身自己好鍾意脆脆嘅口感，所以真係大讚。
‣ 熱紅蘋果洋甘菊茶
洋甘菊味真係好重，但係我幾鍾意佢擺啲蘋果片喺個杯到，影出嚟真係覺得好靚，而且入口都相當之溫潤，係秋天飲就真係差唔多。
‣ 秋桂花鳳梨蜂蜜梳打
嘢飲本身都有設計過，我幾鍾意杯邊圍住嘅桂花。唔算飲到好重鳳梨味，但係入口就真係好濃嘅蜂蜜味，都係好溫和嘅飲品，再加埋啲桂花，覺得飲落去都係好舒服。而且為咗配合個杯，餐廳嘅冰係特別整做長條型嘅，覺得真係有花心機落去。
Post
