日作食堂

Open Now

Now Closed

餐廳好有日系復古風格，值得一讚係佢座位闊落坐得好舒服。menu 上以定食為主，再有一啲串燒小食可以選擇。波士頓龍蝦（半隻）野菜稻庭烏冬定食+茶碗蒸 +蘭王蛋黃（月見汁）烏冬上面有半隻龍蝦，稻庭烏冬口感煙靭彈牙，特濃芝士龍蝦湯底都幾掛湯。另外仲可以加茶碗蒸同埋蘭王蛋黃。松葉特選丼呢個魚生丼入面有松葉蟹肉、蟹膏、北海道帶子、北寄貝、蟹籽。魚生刺身夠新鮮。北海道帶子厚肉鮮甜，仲有中間有滿滿嘅松葉蟹肉，其實呢個可以襯埋蘭王蛋黃，真係十分滿足。焦糖雞蛋布甸 / 蘋果肉桂卷蛋喺呢個咁復古嘅環境，就想食一個經典嘅焦糖雞蛋布甸，布甸係比較實在嘅口感，比較重雞蛋味，但係都好滑。配上蕉香嘅糖漿，個人推介呢個甜品。 而蘋果肉桂卷蛋呢一個就比較冬天嘅口味，佢入邊仲有蘋果粒粒，不錯呢。兩款甜品影相都好靚。