Video
Read full review
2021-10-10
152 views
每個禮拜都會嚟一次觀塘，而每次都會喺觀塘食埋夜晚個餐先至走😋今個禮拜就試咗呢間新開嘅手工餃子店😙🧡-👀冇立場資訊-🥟黑松露芝士豚肉餃+豚骨湯 ($88)呢個一食落口幾驚喜，竟然唔係平時黑松露菜式嘅嗰種好重嘅煤氣味🤣🤣黑松露味冇遮住芝士味，融合得好好😋🧡啲芝士有拉絲，可惜嘅係豬肉味好似冇乜😢不過值得一讚嘅係啲餃子皮薄餡料足，仲有粟米喺裏面，食落口感幾豐富🤩豚骨湯底亦都好濃郁，就算就咁飲都冇問題😋-🥟大大隻鳳城水餃+豚骨湯 ($88)一食落口就好香豬肉味，而且蝦味好鮮🦐不過味道同黑松露比就稍稍普通，入面嘅木耳絲幾爽口，增添口感😙不過跟豚骨湯俾嘅特色蔥油甜豉油對我嚟講就真係偏甜，所以我都冇乜點點個豉油🤨-🥟粟米芝士豚肉餃+是日濃湯(南瓜湯) ($88)我哋試匀晒三隻奢華口味嘅餃子set🤣粟米芝士豚肉餃嘅味道相對清淡少少，冇咁黑松露芝士同鳳城咁濃👅唔同餡料嘅比例啱啱好，不過主要都係食到芝士味，一樣豬肉味唔太出👀👀南瓜湯唔會太’杰’身，南瓜味啱啱好，飲落都幾清甜😋🧡-🐤無骨明太子雞翼 ($38)應該係即叫即炸，上到嚟熱辣辣😋😙不過雞翼嘅皮可以再脆啲，同埋有少少油🥲明太子嘅份量啱啱好，味道微辣，不
-
👀冇立場資訊
-
🥟黑松露芝士豚肉餃+豚骨湯 ($88)
呢個一食落口幾驚喜，竟然唔係平時黑松露菜式嘅嗰種好重嘅煤氣味🤣🤣黑松露味冇遮住芝士味，融合得好好😋🧡啲芝士有拉絲，可惜嘅係豬肉味好似冇乜😢不過值得一讚嘅係啲餃子皮薄餡料足，仲有粟米喺裏面，食落口感幾豐富🤩豚骨湯底亦都好濃郁，就算就咁飲都冇問題😋
-
🥟大大隻鳳城水餃+豚骨湯 ($88)
一食落口就好香豬肉味，而且蝦味好鮮🦐不過味道同黑松露比就稍稍普通，入面嘅木耳絲幾爽口，增添口感😙不過跟豚骨湯俾嘅特色蔥油甜豉油對我嚟講就真係偏甜，所以我都冇乜點點個豉油🤨
-
🥟粟米芝士豚肉餃+是日濃湯(南瓜湯) ($88)
我哋試匀晒三隻奢華口味嘅餃子set🤣粟米芝士豚肉餃嘅味道相對清淡少少，冇咁黑松露芝士同鳳城咁濃👅唔同餡料嘅比例啱啱好，不過主要都係食到芝士味，一樣豬肉味唔太出👀👀南瓜湯唔會太’杰’身，南瓜味啱啱好，飲落都幾清甜😋🧡
-
🐤無骨明太子雞翼 ($38)
應該係即叫即炸，上到嚟熱辣辣😋😙不過雞翼嘅皮可以再脆啲，同埋有少少油🥲明太子嘅份量啱啱好，味道微辣，不過食到最後都係有少少膩，可能係食得太飽掛😅
-
🌹玫瑰荔枝冷泡茶 ($14)
飲落幾清新，玫瑰味最突出，而且飲完有少少回甘🤩可惜荔枝味同茶味唔算太出，仲要荔枝味越飲越淡😅😅不過個樽幾靚🤪
-
可能係因為新開，所以環境都幾乾淨，裝修簡潔🌿啲餐具都幾有質感，有埋個打卡金湯壺🤣🧡不過CP值就還好，計返都要平均十一蚊一隻餃子，雖然都真係幾飽肚🥄提提大家呢間都淨係收現金，記住帶定cash喇~
Post